കോവിഡ് ആശുപത്രിയ്ക്ക് കാനറ ബാങ്കിന്റെ ധനസഹായം
ജില്ലയിലെ കോവിഡ് ആശുപത്രിയില്‍ ചികിത്സാ സൗകര്യങ്ങള്‍ വര്‍ധിപ്പിക്കുന്നതിനായി കാനറ ബാങ്ക് 4,90,000 രൂപ നല്‍കി. ജില്ലാ കളക്ടര്‍ ഡോ. അദീല അബ്ദുള്ളയ്ക്ക് കനറാ ബാങ്ക് റീജിയണല്‍ ഹെഡ് വി.സി. സത്യപാലാണ് തുക കൈമാറിയത്.
ജില്ലയിലെ കോവിഡ് ആശുപത്രിയായ മാനന്തവാടി ജില്ലാ ആശുപത്രിയില്‍ നിലവിലുള്ള പീഡിയാട്രിക് ഐ.സി.യു കോവിഡ് ഐ.സി.യു ആക്കി മാറ്റുന്നതിനും, സര്‍ജിക്കല്‍ ബ്ലോക്കിലെ ഓപ്പറേഷന്‍ തീയേറ്റര്‍ കോവിഡ് രോഗികള്‍ക്കായി നെഗറ്റീവ് പ്രഷര്‍ തീയേറ്റര്‍ ആക്കി മാറ്റുന്നതിനുമാണ് തുക വിനിയോഗിക്കുക. കാനറ ബാങ്ക് മാനന്തവാടി ശാഖായുടെ സാമൂഹിക പ്രതിബദ്ധത പദ്ധതിയില്‍ ഉള്‍പ്പെടുത്തിയാണ് തുക നല്‍കിയത്. ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക, കോവിഡ് 19 ഡിസ്ട്രിക്ട് നോഡല്‍ ഓഫീസര്‍ ഡോ. പി. ചന്ദ്രശേഖരന്‍, ലീഡ് ബാങ്ക് മാനേജര്‍ ജി. വിനോദ്, കാനറ ബാങ്ക് മാനന്തവാടി ശാഖ മാനേജര്‍ സി.ജെ. ജോയ് എന്നിവര്‍ ചടങ്ങില്‍ പങ്കെടുത്തു.
Read More
കോവിഡ് ചികിത്സ: വയനാട് ജില്ലാ ആശുപത്രിയില്‍ പ്ലാസ്മ ബാങ്ക് തുടങ്ങി ,ആദ്യ ദിനം പ്ലാസ്മ നല്‍കാനെത്തിയത് രോഗമുക്തരായ ഏഴ് പേർ
മാനന്തവാടിയിലെ ക്ഷീരോല്‍പാദകര്‍ക്ക് അധിക വിലയായി 26.51 ലക്ഷം രൂപ നല്‍കും
കവളപ്പാറയിലെ ദുരന്തബാധിതർക്ക് ഭൂമിയും വീടും വാങ്ങാൻ സർക്കാരിന്റെ ധനസഹായം
അങ്കണവാടി പെൻഷൻകാർക്ക് ഓണത്തോടനുബന്ധിച്ച് പ്രത്യേക ധനസഹായം നൽകും: കെ കെ ഷൈലജ ടീച്ചർ