എലിയെ വെള്ളത്തില്‍ മുക്കി കൊന്നു; യുവാവിനെതിരെ കേസെടുത്ത് പൊലീസ്
എലിയെ മുക്കി കൊന്നതിന് യുവാവിനെതിരെ കേസെടുത്ത് പൊലീസ്. ഉത്തര്‍പ്രദേശിലെ ബുദുവാനിലുണ്ടായ സംഭവത്തില്‍ എലിയെ കല്ലുകൊണ്ട് കെട്ടിയ ശേഷം അഴുക്കുചാലില്‍ മുക്കിക്കൊല്ലുകയായിരുന്നു.
മൃഗസ്നേഹിയുടെ പരാതിയിന്‍മേലാണ് മനോജ് എന്ന ചെറുപ്പക്കാരനെതിരെ മൃഗങ്ങളോടുള്ള ക്രൂരത തടയുന്ന വകുപ്പുകള്‍ ഉള്‍പ്പെടുത്തി കേസ് രജിസ്റ്റര്‍ ചെയ്തത്.
മനോജ് എലിയെ മുക്കിക്കൊല്ലുന്നത് തടയാനായി സാമൂഹികപ്രവര്‍ത്തകനായ വികേന്ദ്ര ശര്‍മ ശ്രമിച്ചെങ്കിലും ഫലം കണ്ടില്ല. തുടര്‍ന്ന് ഫോണില്‍ എലിയെ കൊല്ലുന്ന ദൃശ്യങ്ങള്‍ പകര്‍ത്തുകയും ഇതുമായി പൊലീസില്‍ പരാതി നല്‍കുകയായിരുന്നു. പരാതി ലഭിച്ചെങ്കിലും എലി മൃഗങ്ങളുടെ ഗണത്തില്‍ പെടുമോ എന്ന സംശയം നിലനിന്നതിനാല്‍ മനോജിനെതിരെ മൃഗങ്ങളോടുള്ള ക്രൂരത തടയല്‍ നിയമപ്രകാരമുള്ള കേസ് ചുമാത്താനാകുമോ എന്ന ആശങ്ക പൊലീസ് പ്രകടിപ്പിച്ചിരുന്നു. ജില്ലാ വെറ്റിനറി ഓഫീസര്‍ ഇക്കാര്യത്തില്‍ വ്യക്തത വരുത്തിയതിന് പിന്നാലെ മനോജിനെതിരെ കുറ്റം ചുമത്തി അറസ്റ്റ് രേഖപ്പെടുത്തുകയും പിന്നീട് ജാമ്യത്തില്‍ വിടുകയും ചെയ്തു.
Read More
സിഗരറ്റ് വലിക്കുന്ന ‘കാളീദേവി’യുടെ പോസ്റ്റര്‍; ലീന മണിമേഖലയ്ക്കെതിരെ കേസെടുത്ത് യുപി പൊലീസ്
സോഷ്യൽ മീഡിയ വഴി വ്യാജ പ്രചാരണം; ദിലീപ് ‑മഞ്ജു വാര്യർ ദമ്പതികളുടെ മകൾ മീനാക്ഷിയുടെ പരാതിയിൽ കേസെടുത്ത് പൊലീസ്
മലപ്പുറത്ത് നാലര വയസുകാരിയെ പീഡിപ്പിച്ച കേസ് പൊലീസ് ഒത്തുതീർപ്പാക്കിയെന്ന് പരാതി
മരിക്കാത്ത യുവാവ് മരിച്ചെന്ന് കേസെടുത്ത് പൊലീസ്; സത്യം അറിഞ്ഞത് ഇൻക്വിസ്റ്റിന് എത്തിയപ്പോൾ