പുരുഷ പോലീസ് തന്നെ ശാരീരികമായി ആക്രമിച്ചു, റോഡിലൂടെ വലിച്ചിഴച്ചു: രമ്യ ഹരിദാസ്

ഡൽഹിയിൽ യുഡിഎഫ് എംപിമാർ പാർലമെന്റിലേക്ക് നടത്തിയ മാർച്ച് സംഘർഷത്തിൽ കലാശിച്ചതോടെ പുരുഷ പോലീസിനെതിരെ ആരോപണവുമായി കോൺഗ്രസ് എംപി രമ്യ ഹരിദാസ്. പുരുഷ പോലീസ് തന്നെ ശാരീരികമായി ആക്രമിച്ചെന്നാണ് രമ്യ ഹരിദാസിന്റെ ആരോപണം.

വലിയ ആക്രമണമാണ് ഡൽഹി പോലീസിൽ നിന്നുണ്ടായത്. വനിതാ ജനപ്രതിനിധിയെന്ന പരിഗണന പോലും തനിക്ക് ലഭിച്ചില്ല. ജനപക്ഷത്ത് നിന്ന് ശബ്ദമുയർത്തിയതിന്റെ പേരിലാണ് ഇന്ന് റോഡിലൂടെ വലിച്ചിഴക്കപ്പെട്ടതെന്നും രമ്യ ഹരിദാസ് പറഞ്ഞു

ടി എൻ പ്രതാപനെയും, കെ മുരളീധരനെയും പിടിച്ചു തള്ളിയെന്നും എംപിമാർ ആരോപിച്ചു. വനിത എംപിയെ തടഞ്ഞത് പുരുഷ പൊലീസ് ഉദ്യോഗസ്ഥരായിരുന്നു എന്നും എപിമാർ ആരോപിച്ചു. എംപിമാരാണ് എന്ന് അറിയിച്ചിട്ട് പോലും പിടിച്ച് വലിച്ച് ജീപ്പിൽ കയറ്റാൻ ശ്രമിച്ചതായി കാസർഗോഡ് എംപി രാജ്മോഹൻ ഉണ്ണിത്താൻ പ്രതികരിച്ചു.

Read More

കെ റെയിൽ പ്രതിഷേധം: ഹൈബി ഈഡന്റെ കരണത്തടിച്ച് ഡൽഹി പോലീസ് രമ്യ ഹരിദാസിന് വിലക്ക് കല്‍പ്പിക്കാന്‍ സി.പി.എം ആര്: സംഭവത്തിൽ നടപടിയെടുക്കണം: കെ. സുധാകരന്‍ രമ്യ ഹരിദാസ് എംപിക്ക് വീണ് പരുക്കേറ്റു; എല്ലിന് പൊട്ടൽ, നാളെ ശസ്ത്രക്രിയ ‘പാഴ്‌സൽ വാങ്ങാനാണ് ഹോട്ടലിൽ എത്തിയത്, കൈയേറ്റം മോശം രീതിയിൽ പെരുമാറിയതിനാൽ‘; വിശദീകരണവുമായി രമ്യ ഹരിദാസ്