സോണിയ ഓഗസ്റ്റ് മൂന്നിന് ഹാജരാകണം, കൊല്ലം മുന്‍സിഫ് കോടതി ഉത്തരവ്
കൊല്ലം: കോണ്‍ഗ്രസ് അധ്യക്ഷ സോണിയാഗാന്ധി ഓഗസ്റ്റ് മൂന്നിന് ഹാജരാകണമെന്ന് കൊല്ലം മുന്‍സിഫ് കോടതി ഉത്തരവ്.കൊല്ലം കുണ്ടറയിലെ കോണ്‍ഗ്രസ് പ്രാദേശിക നേതാവ് നല്‍കിയ ഹര്‍ജിയിലാണ് കോടതി ഉത്തരവ്. സോണിയയെ കൂടാതെ, കെപിസിസി പ്രസിഡന്റ് കെ സുധാകരന്‍, ഡിസിസി പ്രസിഡന്റ് കെ രാജേന്ദ്രപ്രസാദ് എന്നിവരും ഹാജരാകണമെന്ന് കോടതി നിര്‍ദേശിച്ചിട്ടുണ്ട്.
കോണ്‍ഗ്രസിന്റെ നിയമാവലിക്കു വിരുദ്ധമായി ഡിസിസി പ്രസിഡന്റ് പുറപ്പെടുവിച്ച സസ്പെന്‍ഷന്‍ ഉത്തരവ് റദ്ദാക്കണമെന്നാവശ്യപ്പെട്ടു കുണ്ടറയിലെ പ്രാദേശിക നേതാവ് പൃഥ്വിരാജ് നല്‍കിയ ഹര്‍ജിയിലാണ് സോണിയ ഉള്‍പ്പെടെ മൂന്നുപേര്‍ക്കും ഹാജരാകാന്‍ സമന്‍സ് അയയ്ക്കാന്‍ കോടതി നിര്‍ദേശിച്ചത്.
കഴിഞ്ഞ ലോക്‌സഭാ തെരഞ്ഞെടുപ്പു വേളയില്‍ കോണ്‍ഗ്രസ് നേതാവ് രാജ്മോഹന്‍ ഉണ്ണിത്താന്‍ ഉന്നയിച്ച ആരോപണങ്ങളെത്തുടര്‍ന്ന് അന്നത്തെ ഡിസിസി പ്രസിഡന്റ് ബിന്ദു കൃഷ്ണയാണ് പൃഥ്വിരാജിനെ സസ്പെന്‍ഡ് ചെയ്തത്. ഈ നടപടി പിന്‍വലിക്കണമെന്ന് ആവശ്യപ്പെട്ട് പൃഥ്വിരാജ് നിവേദനം നല്‍കിയിരുന്നു. എന്നാല്‍ ഇതില്‍ പ്രതികരണം ഉണ്ടായില്ലെന്നു കാണിച്ചാണ് അദ്ദേഹം മുന്‍സിഫ് കോടതിയെ സമീപിച്ചത്.
Read More
അന്തിമ വിധി വരുന്നതുവരെ സിസ്റ്റർ ലൂസിക്ക് മഠത്തിൽ തുടരാമെന്ന് ഇടക്കാല ഉത്തരവ്
വസ്ത്രം മാറ്റാതെയുള്ള സ്പർശനം ലൈംഗിക പീഡനമല്ലെന്ന ഉത്തരവ് സുപ്രീം കോടതി സ്‌റ്റേ ചെയ്തു
കൊവിഡ് സാഹചര്യം; പരോള്‍ ലഭിച്ച തടവുകാരെ കീഴടങ്ങാന്‍ നിര്‍ബന്ധിക്കരുതെന്ന് സുപ്രീം കോടതി
കോതമംഗലം പള്ളി ജനുവരി എട്ടിനകം ഏറ്റെടുക്കാൻ ഹൈക്കോടതിയുടെ ഉത്തരവ്