നിരന്തരമായ ശാരീരിക മര്‍ദ്ദനം: രണ്ട് കുട്ടികള്‍ അമ്മയെ ഇരുമ്പുവടികൊണ്ട് അടിച്ചുകൊന്നു
ഭൂവനേശ്വര്‍: മക്കളെ നിരന്തരം മര്‍ദ്ദിച്ച അമ്മയെ കൗമാരക്കാരായ ആണ്‍മക്കള്‍ ഇരുമ്പുവടികൊണ്ട് അടിച്ചുകൊന്നു. ഭുവനേശ്വരിലാണ് മക്കളുടെ അടിയേറ്റ് 40 കാരിയായ യുവതി കൊല്ലപ്പെട്ടത്. പോലിസ് റിപോര്‍ട്ട് അനുസരിച്ച് ബുധനാഴ്ച രാത്രി പുറത്തുനിന്ന് കുടിച്ച് ബോധം കെട്ട് വീട്ടിലെത്തിയ അമ്മയുമായി കുട്ടികള്‍ വഴക്കുകൂടി. അവര്‍ കുട്ടികളെ മര്‍ദ്ദിക്കുകയും ചെയ്തു. സഹികെട്ട മക്കള്‍ ഒരു പോളിത്തീന്‍ കവര്‍ മുഖത്ത് ചുറ്റി അമ്മയെ ശ്വാസം മുട്ടിക്കുകയും ഇരുമ്പുവടിയെടുത്ത് അടിച്ചു വീഴ്ത്തുകയും ചെയ്തു. താമസിയാതെ മരിച്ചു. പേടിച്ച കുട്ടികള്‍ അമ്മയെ കുളിമുറിയിലേക്ക് മാറ്റി വാതില്‍ പുറത്തുനിന്ന് പൂട്ടി വളര്‍ത്തുനായയുമായി പുറത്തുപോയി. അവര്‍ താമസിക്കുന്ന അപാര്‍ട്ട്‌മെന്റിന്റെ വാച്ച്മാനോട് അമ്മയെ ആരോ ആക്രമിച്ചുവെന്ന് കള്ളം പറയുകയും ചെയ്തു. തുടര്‍ന്ന് പ്രദേശവാസികള്‍ നടത്തിയ പരിശോധനയിലാണ് മൃതദേഹം കണ്ടെത്തിയത്. സ്ഥലത്തെത്തിയ പോലിസ് താമസിയാതെ കുട്ടികളെ കണ്ടെത്തി അറസ്റ്റ് ചെയ്തു. മൂന്ന് മാസം മുമ്പാണ് അമ്മയോടൊപ്പം കുട്ടികള്‍ ഈ അപ്പാര്‍ട്ട്‌മെന്റിലെത്തിയത്. സ്ഥിരമായി കുടിച്ച് വീട്ടിലെത്തുന്ന അമ്മ കുട്ടികളെ മര്‍ദ്ദിക്കുകയും പതിവാണ്. സഹികെട്ട കുട്ടികള്‍ ഒരു വാക്ക് തര്‍ക്കത്തിന്റെ പ്രകോപനത്തില്‍ വടിയെടുത്ത് അടിച്ചുവീഴ്ത്തുകയായിരുന്നു. പിതാവിന് റൂര്‍ക്കിയിലാണ് ജോലിയെന്ന് പോലിസ് പറഞ്ഞു.
Read More
യു എ ഇയില്‍ രണ്ടു വയസ്സിന് മുകളിലുള്ള കുട്ടികള്‍ മാസ്‌ക് ധരിക്കണം
കൊറോണ വ്യാപനം തടയുന്നതിൻറെ ഭാഗമായി മാസ്‌ക് ധരിക്കാൻ ആവശ്യപ്പെട്ട ബസ് ഡ്രൈവറെ യാത്രക്കാർ അടിച്ചുകൊന്നു
രാജ്യത്തെ കോവിഡ് ബാധിതരുടെ എണ്ണം രണ്ട് ദശലക്ഷം കടന്നു
ഇന്ത്യയില്‍ നിന്ന് യു എ ഇയിലേക്ക് പുറപ്പെടാന്‍ 12 വയസ്സിന് താഴെയുള്ള കുട്ടികള്‍ക്ക് പി സി ആര്‍ ടെസ്റ്റ് നിര്‍ബന്ധമില്ല