മോദിജി അഭിനന്ദനങ്ങൾ; ദാരിദ്ര്യം ഉന്മൂലനം ചെയ്ത് ഇന്ത്യയെ ആഗോളശക്തിയാക്കിയതിന്: കപിൽ സിബൽ
ആഗോള പട്ടിണി സൂചികയിൽ ഇന്ത്യയുടെ മോശം റാങ്കിംഗിൽ പ്രധാനമന്ത്രി നരേന്ദ്ര മോദിയെ വിമർശിച്ച് മുതിർന്ന കോൺഗ്രസ് നേതാവ് കപിൽ സിബൽ. പട്ടിണി സൂചികയിൽ പാകിസ്ഥാൻ ഉൾപ്പെടെയുള്ള അയൽരാജ്യങ്ങളെ പിന്നിലാക്കി കൊണ്ട് 2020 ലെ 94 -ാം സ്ഥാനത്ത് നിന്ന് ഇന്ത്യ 101 -ാം സ്ഥാനത്തേക്ക് പിന്തള്ളപ്പെട്ടു.
ആഗോളപട്ടിണി സൂചിക റിപ്പോർട്ട് ഇന്ത്യയിലെ പട്ടിണിയുടെ അളവ് “ഭയപ്പെടുത്തുന്നതാണ്” എന്ന് വിശേഷിപ്പിച്ചിട്ടുണ്ട്. ദാരിദ്ര്യം, പട്ടിണി എന്നിവ തുടച്ചു നീക്കുന്നതിനും ഇന്ത്യയെ ആഗോളശക്തിയാക്കുന്നതിനുമുള്ള സർക്കാരിന്റെ അവകാശവാദങ്ങളെ പരിഹസിച്ച് കോൺഗ്രസ് നേതാവ് കപിൽ സിബൽ ട്വിറ്ററിൽ ഒരു ട്വീറ്റ് പോസ്റ്റ് ചെയ്തു.
“ദാരിദ്ര്യം, വിശപ്പ് എന്നിവ ഉന്മൂലനം ചെയ്തതിനും ഇന്ത്യയെ ഒരു ആഗോളശക്തിയാക്കിയതിനും ഡിജിറ്റൽ സമ്പദ്‌വ്യവസ്ഥയാക്കിയതിനും മോദിജിക്ക് അഭിനന്ദനങ്ങൾ,” എന്ന് കപിൽ സിബൽ ട്വീറ്റിൽ പരിഹസിച്ചു.
ചൈന, ബ്രസീൽ, കുവൈറ്റ് എന്നിവയുൾപ്പെടെ പതിനെട്ട് രാജ്യങ്ങൾ പട്ടിണിയും പോഷകാഹാരക്കുറവും നിരീക്ഷിക്കുന്ന ഗ്ലോബൽ ഹംഗർ ഇൻഡക്സ് (ജിഎച്ച്ഐ) അനുസരിച്ച് അഞ്ചിൽ താഴെ സ്കോറോടെ ഒന്നാം റാങ്ക് പങ്കിട്ടു.
