ഒട്ടും പ്രതീക്ഷിക്കാതെ കിട്ടിയ അവാര്‍ഡാണ് ,വാര്‍ത്ത കണ്ടപ്പോള്‍ വിശ്വസിക്കാനായില്ല; സ്വാസിക
അമ്പതാമത് കേരള സംസ്ഥാന ചലച്ചിത്ര പുരസ്‌കാര നേട്ടത്തില്‍ തിളങ്ങി ‘വാസന്തി’ സിനിമ. ഷിനോസ് റഹമാനും സജാസ് റഹമാനും ഒരുക്കിയ വാസന്തി മൂന്ന് പുരസ്‌കാരങ്ങളാണ് സ്വന്തമാക്കിയിരിക്കുന്നത്. മികച്ച ചിത്രം, മികച്ച തിരക്കഥ, മികച്ച സ്വഭാവ നടി എന്നീ പുരസ്‌കാരങ്ങളാണ് ചിത്രത്തിന് ലഭിച്ചിരിക്കുന്നത്. നടന്‍ സിജു വിത്സന്‍ ആദ്യമായി നിര്‍മ്മിച്ച ചിത്രമാണ് വാസന്തി.
ഒട്ടും പ്രതീക്ഷിക്കാതെ കിട്ടിയ അവാര്‍ഡാണ്. വാര്‍ത്ത കണ്ടപ്പോള്‍ വിശ്വസിക്കാനായില്ല എന്നാണ് ചിത്രത്തിലെ പ്രകടനത്തിന് മികച്ച സ്വഭാവ നടിക്കുള്ള അവാര്‍ഡ് ലഭിച്ച സ്വാസിക പ്രതികരിക്കുന്നത്. സിജു വിത്സനാണ് ഈ ചിത്രത്തെ കുറിച്ച് പറഞ്ഞത്. വ്യത്യസ്തമായ കഥാപാത്രമായിരുന്നു. വളരെ കഷ്ടപ്പെട്ടാണ് സിനിമ ഒരുക്കിയതെന്നും സ്വാസിക പറഞ്ഞു.
ശബരീഷ്, വിനോദ് തോമസ് എന്നിവരും കഥാപാത്രങ്ങളായെത്തിയ സിനിമ സാമൂഹിക പ്രസക്തിയുള്ള വിഷയമാണ് കൈകാര്യം ചെയ്തത്. ചിത്രത്തിന്റെ തിയേറ്റര്‍ റിലീസ് ഇതുവരെ സാധ്യമായിട്ടില്ല. ഒരു പെണ്‍കുട്ടിയുടെ 20 വയസ് മുതല്‍ 30 വയസ് വരെയുള്ള കഥയാണ് ചിത്രം പറയുന്നത്.
റഹമാന്‍ ബ്രദേഴ്‌സ് എന്നറിയപ്പെടുന്ന ഷിനോസ് റഹമാനും സജാസ് റഹമാനും തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. പോസ്റ്റ് പ്രൊഡക്ഷന്‍, എഡിറ്റിംഗ് എന്നിവയില്‍ സജീവമായിരുന്ന വ്യക്തിയാണ് ഷിനോസ് റഹമാന്‍. തിയേറ്റര്‍ ആര്‍ട്സില്‍ ബിരുദാനന്തര ബിരുദം നേടിയ വ്യക്തിയാണ് സജാസ് റഹമാന്‍
Read More
മികച്ച നടൻ സുരാജ്, നടി കനി കുസൃതി; മികച്ച ചിത്രമായി വാസന്തി
സിറാജ് മാനേജ്‌മെന്റ് ഏര്‍പ്പെടുത്തുന്ന കെ എം ബഷീര്‍ അവാര്‍ഡിന് എന്‍ട്രികള്‍ ക്ഷണിച്ചു
അവാര്‍ഡില്‍ സന്തോഷമെന്ന് നടന്‍ സുരാജ് വെഞ്ഞാറമൂട്; അവാര്‍ഡ് തീരെ പ്രതീക്ഷിച്ചിരുന്നില്ലെന്ന് നടി കനി കുസൃതി
രാജ്യത്ത് 73 ദിവസത്തിനകം കോവിഡ് വാക്സിൻ ലഭ്യമാകുമെന്ന വാര്‍ത്ത വ്യാജമെന്ന് സെറം ഇൻസ്റ്റിറ്റ്യൂട്ട് ഓഫ് ഇന്ത്യ