കരുവന്നൂർ ബാങ്ക് തട്ടിപ്പ്: പ്രതികളെ കോടതിയിൽ ഹാജരാക്കാത്തത് എന്താണെന്ന് സതീശൻ

കരുവന്നൂർ സഹകരണ ബാങ്ക് തട്ടിപ്പ് കേസിലെ പ്രതികളെ സിപിഎം ഭയപ്പെടുകയാണെന്ന് പ്രതിപക്ഷ നേതാവ് വി ഡി സതീശൻ. പ്രതികളെ ചോദ്യം ചെയ്താൽ നേതാക്കൾക്കുള്ള പങ്ക് പുറത്തുവരും. പാർട്ടിയുടെ ജില്ലാ നേതൃത്വവും സംസ്ഥാന നേതൃത്വവും വൻതോതിലുള്ള തട്ടിപ്പ് നടന്നുവെന്ന് അറിഞ്ഞിട്ടും പ്രതികരിക്കാത്തതിനാലാണ് വീണ്ടും 100 കോടി രൂപ സാധാരണക്കാർക്ക് നഷ്ടമായത്

കേസിലെ പ്രതികളെ അറസ്റ്റ് ചെയ്തതായി പത്രങ്ങളിൽ വാർത്ത വന്നിരുന്നു. എന്നാൽ അറസ്റ്റ് ചെയ്ത പ്രതികളെ കോടതിയിൽ ഹാജരാകാത്തത് എന്തുകൊണ്ടാണ്. സുപ്രീം കോടതി വിധി പാലിച്ചായിരിക്കണം അറസ്റ്റ്. കോടതിയിൽ ഹാജരാക്കിയാൽ പ്രതികളെ ചോദ്യം ചെയ്യലിന് വിട്ടു കിട്ടുമെന്നിരിക്കെ അനധികൃതമായി കസ്റ്റഡിയിൽ വെച്ചത് എന്തിനാണ്.

പോലീസ് കേസ് അന്വേഷിച്ചാൽ സർക്കാർ സ്വാധീനിക്കാൻ സാധ്യതയുണ്ട്. അതിനാൽ സിബിഐ അന്വേഷണത്തിന് വിടണം. പണം നിക്ഷേപിച്ച മുഴുവൻ ആളുകളുടെയും പണം തിരികെ ലഭിച്ചുവെന്ന് ഉറപ്പുവരുത്തേണ്ടത് സർക്കാരാണ്. അല്ലെങ്കിൽ എല്ലാ സഹകരണ ബാങ്കുകളുടെയും വിശ്വാസ്യത തകരുമെന്നും സതീശൻ പറഞ്ഞു.

Read More

കരിപ്പൂർ സ്വർണക്കടത്ത്: പ്രതികളെ കസ്റ്റഡിയിൽ ആവശ്യപ്പെട്ട് കസ്റ്റംസ് കോടതിയിൽ കരുവന്നൂർ ബാങ്ക് തട്ടിപ്പ്: പ്രതികളെ സിപിഎം പുറത്താക്കി, രണ്ട് ജില്ലാ കമ്മിറ്റി അംഗങ്ങളെ തരംതാഴ്ത്തി സ്വർണക്കടത്ത് കേസ് പ്രതികളെ ഇൻകം ടാക്‌സും ചോദ്യം ചെയ്യും; കോടതിയിൽ അപേക്ഷ നൽകി സോളാർ തട്ടിപ്പ് കേസിൽ സരിത എസ് നായരെ അറസ്റ്റ് ചെയ്തു