വയറ്റില്‍ കത്രിക മറന്നുവച്ച സംഭവം; യുവതിക്ക് ആവശ്യമായ നിയമ സഹായം നൽകുമെന്ന് പി. സതീദേവി

ശസ്ത്രക്രിയക്കിടെ യുവതിയുടെ വയറ്റിൽ കത്രിക മറന്നുവച്ച സംഭവത്തിൽ കോഴിക്കോട് മെഡിക്കൽ കോളജ് സൂപ്രണ്ടിൽ നിന്ന് റിപ്പോർട്ട്‌ ആവശ്യപ്പെട്ടിട്ടുണ്ടെന്ന് വനിതാ കമ്മിഷൻ അധ്യക്ഷ പി. സതീദേവി. സർക്കാർ തലത്തിൽ അന്വേഷണം നടക്കുന്നു എന്ന് സൂപ്രണ്ട് അറിയിച്ചു. പരാതിക്കാർക്ക് ആവശ്യമായ
നിയമ സഹായം നൽകുമെന്ന് പി. സതീദേവി വ്യക്തമാക്കി.

ആരോഗ്യവകുപ്പിന്റെ നേതൃത്വത്തിൽ നടക്കുന്ന അന്വേഷണം പൂർത്തിയായി റിപ്പോർട്ട്‌ ലഭിച്ചാൽ അനാസ്ഥ കാണിച്ച ഡോക്ടർമാരിൽ നിന്ന് നഷ്ടപരിഹാരം ഈടാക്കുമെന്ന് പി. സതീദേവി പറഞ്ഞു.

എൽദോസ് കുന്നപ്പിള്ളിൽ എംഎൽഎയ്ക്കെതിരായ പരാതിയിൽ പരാതിക്കാരിക്ക് ഭീഷണി ഉണ്ടായ സാഹചര്യത്തിൽ സുരക്ഷ ഉറപ്പു വരുത്താൻ ആഭ്യന്തര വകുപ്പിന് നിർദേശം നൽകുമെന്നും പി. സതീദേവി കൂട്ടിച്ചേർത്തു.

Read More

ശസ്ത്രക്രിയയ്ക്കിടെ കത്രിക കുടുങ്ങിയ സംഭവം; മൂന്നംഗ അന്വേഷണ കമ്മീഷനെ രൂപീകരിച്ചു ശസ്ത്രക്രിയയ്ക്കിടെ കത്രിക കുടുങ്ങിയ സംഭവം: പ്രത്യേക അന്വേഷണ സംഘം രൂപീകരിച്ചു ശസ്ത്രക്രിയക്കിടയിൽ കത്രിക വയറിൽ കുടുങ്ങിയ സംഭവം; മനുഷ്യാവകാശ കമ്മിഷൻ കേസെടുത്തു പത്തിലധിതം സ്ത്രീകൾ ജോലി ചെയ്യുന്ന ഇടങ്ങൾ പ്രശ്ന പരിഹാര സെൽ വേണം; പി.സതീദേവി