പ്രതിഷേധം ശക്തമാക്കി കെജിഎംഒഎ: നാളെ ഒപി ബഹിഷ്‌ക്കരിക്കാൻ തീരുമാനം
ആലപ്പുഴ: ജോലിക്കിടെ ഡോക്ടറെ ക്രൂരമായി മര്‍ദിച്ച പൊലീസുകാരനെ അറസ്റ്റ് ചെയ്യാത്തതിനെതിരെ പ്രതിഷേധം ശക്തമാക്കി കേരള ഗവണ്‍മെന്റ് മെഡിക്കല്‍ ഓഫിസേഴ്‌സ് അസോസിയേഷന്‍.
നാളെ സംസ്ഥാന വ്യാപകമായി ആരോഗ്യ വകുപ്പിന് കീഴിലുള്ള സ്ഥാപനങ്ങളില്‍ സ്‌പെഷ്യാലിറ്റി ഒപികളും അടിയന്തരമല്ലാത്ത ശസ്ത്രക്രിയകളും കെജിഎംഒഎ ബഹിഷ്‌കരിക്കും. രാവിലെ 10 മണി മുതല്‍ 11 മണി വരെ മറ്റു ഒപി സേവനങ്ങളും നിര്‍ത്തിവച്ച്‌ എല്ലാ സ്ഥാപനങ്ങളിലും പ്രതിഷേധ യോഗങ്ങള്‍ സംഘടിപ്പിക്കുമെന്നും കെജിഎംഒഎ സര്‍ക്കാരിനെ അറിയിച്ചിട്ടുണ്ട്.
പൊലീസ് കാണിക്കുന്നത് കുറ്റകരമായ അനാസ്ഥയാണ്. ഈ വിഷയം ഉന്നയിച്ച്‌ കെജിഎംഒഎ നടത്തി വരുന്ന ഇടപെടലുകള്‍ അവഗണിക്കപ്പെട്ടിരിക്കുകയാണ്. അതിനാല്‍ പ്രതിഷേധം ശക്തമാക്കാന്‍ നിര്‍ബന്ധിക്കപ്പെട്ടിരിക്കുന്നുവെന്നും സംഘടന വാര്‍ത്താക്കുറിപ്പില്‍ അറിയിച്ചു.
Read More
ഡോക്ടർമാർക്കെതിരായ നടപടി: സമരം ചെയ്യുന്നവരുമായി ആരോഗ്യ മന്ത്രി ചർച്ച നടത്തുന്നു
രോഗവ്യാപനം അതിരൂക്ഷം: സംസ്ഥാനത്ത് രണ്ടാഴ്ച ലോക്ക് ഡൗൺ പ്രഖ്യാപിക്കണമെന്ന് കെജിഎംഒഎ
സംസ്ഥാന വ്യാപകമായി വ്യാപാരികള്‍ നാളെ രാവിലെ 10 മണി മുതല്‍ 12 മണി വരെ കടകളടച്ചിട്ട് പ്രതിഷേധിക്കും
രോഗിയെ പുഴുവരിച്ച സംഭവം: നാളെ സര്‍ക്കാര്‍ മെഡിക്കല്‍ കോളേജുകളില്‍ ഒപി ബഹിഷ്‍കരണം