ഒരേ വോട്ടർക്ക് പല മണ്ഡലങ്ങളിൽ വോട്ട്; പുതിയ ആരോപണവുമായി ചെന്നിത്തല

വോട്ടർ പട്ടികയിൽ കൂടുതൽ ക്രമക്കേടുകളുണ്ടെന്ന ആരോപണവുമായി പ്രതിപക്ഷ നേതാവ് രമേശ് ചെന്നിത്തല. ഒരു മണ്ഡലത്തിൽ വോട്ടുള്ള വോട്ടറുടെ പേരിൽ പല മണ്ഡലങ്ങളിൽ വ്യാജ വോട്ടുകൾ സൃഷ്ടിക്കപ്പെടുകയും തിരിച്ചറിയൽ കാർഡ് വിതരണം ചെയ്യുകയും ചെയ്തതായി ചെന്നിത്തല ആരോപിക്കുന്നു

ഒരു വോട്ടർക്ക് തന്നെ പല മണ്ഡലങ്ങളിലും വോട്ടുണ്ട്. ഇവർക്കെല്ലാം തെരഞ്ഞെടുപ്പ് കമ്മീഷന്റെ പേരിലുള്ള തിരിച്ചറിയൽ കാർഡുകളുമുണ്ട്. ഈ വോട്ടർക്ക് രാവിലെ യഥാർഥ മണ്ഡലത്തിൽ വോട്ട് ചെയ്ത ശേഷം മഷി മായ്ച്ച് കളഞ്ഞ് അടുത്ത മണ്ഡലത്തിൽ പോയി വോട്ട് ചെയ്യാം.

ആകെ 1,09,693 വ്യാജ വോട്ടർമാരുണ്ട്. ഇരിക്കൂർ മണ്ഡലത്തിൽ 537 അന്യ മണ്ഡലങ്ങളിൽ വോട്ടർമാരുണ്ട്. അഴീക്കോട് 711 വോട്ടർമാരും ചേർത്തലയിൽ 527 അന്യമണ്ഡല വോട്ടർമാരുമുണ്ട്

140 മണ്ഡലങ്ങളിലും ഇത്തരത്തിൽ സമീപ മണ്ഡലങ്ങളിൽ നിന്നുള്ള വോട്ടർമാരുണ്ട്. ഇന്ന് തന്നെ മുഴുവൻ വിവരങ്ങളും തെരഞ്ഞെടുപ്പ് കമ്മീഷന് നൽകുമെന്നും അദ്ദേഹം പറഞ്ഞു.

Read More

തദ്ദേശ തെരഞ്ഞെടുപ്പിനുള്ള അന്തിമ വോട്ടർപട്ടിക പ്രസിദ്ധീകരിച്ചു; 2.71 കോടി വോട്ടർമാർ കള്ളവോട്ട് ചെയ്യാൻ വരുന്നവർ സത്യവാങ്മൂലം നൽകുമോ; കമ്മീഷൻ നിർദേശത്തെ പരിഹസിച്ച് ചെന്നിത്തല എഐസിസി വക്താവ് ഷമ മുഹമ്മദിനും ഇരട്ട വോട്ട്; ആരോപണവുമായി സിപിഎം തദ്ദേശ തെരഞ്ഞെടുപ്പിൽ കർശന നിർദേശവുമായി തെരഞ്ഞെടുപ്പ് കമ്മീഷൻ; വീടിനുള്ളിൽ കയറി വോട്ട് ചോദിക്കരുത്, പോളിംഗ് ബൂത്തിൽ ഒരേ സമയം മൂന്നു പേർ മാത്രം