നയതന്ത്ര സ്വർണക്കടത്ത്: സരിത് അടക്കം നാല് പ്രതികൾ ഇന്ന് ജയിലിൽ നിന്നിറങ്ങും
നയതന്ത്ര സ്വർണക്കടത്ത് കേസിലെ ഒന്നാം പ്രതി സരിത് അടക്കം നാല് പ്രതികൾ ഇന്ന് ജയിലിൽ നിന്നിറങ്ങും. പ്രതികൾക്കെതിരായ കോഫപോസയുടെ കാലാവധി ഇന്ന് അവസാനിക്കും. എൻഐഎ കേസ് അടക്കമുള്ള എല്ലാ കേസുകളിലും ഇവർക്ക് ജാമ്യം ലഭിച്ചിരുന്നു
സരിത്, റമീസ്, ജലാൽ, മുഹമ്മദ് ഷാഫി എന്നിവർക്കാണ് ജാമ്യം ലഭിച്ചത്. നിലവിൽ ഇവർ പൂജപ്പുര സെൻട്രൽ ജയിലിലാണ്. സരിത് കഴിഞ്ഞ ഒരു വർഷത്തിലേറെയായി ജയിലിൽ തന്നെയാണ്. യുഎഇ കോൺസുലേറ്റിലെ മുൻ ഉദ്യോഗസ്ഥനായിരുന്നു ഇയാൾ. നയതന്ത്ര ചാനൽ വഴി സ്വർണം കടത്തിയതിന് ആദ്യം അറസ്റ്റിലായതും ഇയാളായിരുന്നു
സരിത്തിന്റെ കൂട്ടുപ്രതികളായ സ്വപ്‌ന, സന്ദീപ് നായർ എന്നിവർ നേരത്തെ പുറത്തിറങ്ങിയിരുന്നു. ഇതോടെ കേസിലെ മുഖ്യപ്രതികളെല്ലാം ജയിലിൽ നിന്ന് പുറത്തിറങ്ങിയിട്ടുണ്ട്.
Read More
സ്വർണക്കടത്ത് കേസ്: സ്വപ്‌നയുടെയും സരിത്തിന്റെയും ജാമ്യാപേക്ഷ ഇന്ന് പരിഗണിക്കും
നയതന്ത്ര ബാഗിൽ സ്വർണം കടത്തിയാൽ പിടിക്കില്ലെന്ന് ഉറപ്പ് നൽകിയത് സ്വപ്‌ന; വിഹിതം കോൺസുൽ ജനറലിനും: വെളിപ്പെടുത്തലുമായി സന്ദീപ്
സ്വർണക്കടത്ത് കേസ് പ്രതി സന്ദീപ് നായരുടെ സ്ഥാപനത്തിൽ കസ്റ്റംസ് റെയ്ഡ്
നയതന്ത്ര സ്വർണക്കടത്ത്: കസ്റ്റംസ് പിടിച്ചെടുത്ത 30 കിലോ സ്വർണം ഇ ഡി കണ്ടുകെട്ടി