ബാബുജാനോടും ആര്‍ഷോയോടും വിശദീകരണം തേടി; വ്യാജ സര്‍ട്ടിഫിക്കറ്റ് വിവാദത്തില്‍ ഇടപെട്ട് സിപിഐഎം
വ്യാജ സര്‍ട്ടിഫിക്കറ്റ് വിവാദത്തില്‍ ഇടപെട്ട് സിപിഐഎം. സിപിഐഎം ആലപ്പുഴ ജില്ലാ സെക്രട്ടറിയേറ്റ് അംഗം കെ എച്ച് ബാബുജാനോടും എസ്എഫ്ഐ സംസ്ഥാന സെക്രട്ടറി പി എം ആര്‍ഷോയോടും സിപിഐഎം വിശദീകരണം തേടി. ഇരുവരും എകെജി സെന്ററിലെത്തി പാര്‍ട്ടി സംസ്ഥാന സെക്രട്ടറി എം വി ഗോവിന്ദനെ കണ്ട് വിശദീകരണം നല്‍കി. വിവാദങ്ങളില്‍ സിപിഐഎം നേതൃത്വം അതൃപ്തി അറിയിച്ചെന്നാണ് സൂചന.
വ്യാജ സര്‍ട്ടിഫിക്കറ്റ് വിവാദത്തിനിടെ സിപിഐഎം സംസ്ഥാന സെക്രട്ടറിയേറ്റ് യോഗം തിരുവനന്തപുരത്ത് ചേരുകയാണ്. എസ്എഫ്ഐ നേതൃത്വം തുടര്‍ച്ചയായി വിവാദങ്ങളില്‍ പെടുന്നതില്‍
പാര്‍ട്ടി നേതൃത്വത്തിനു കടുത്ത അതൃപ്തി ഉണ്ട്. സംഘടനയില്‍ അടിയന്തര തിരുത്തല്‍ വേണമെന്ന ആവശ്യവും പാര്‍ട്ടിയില്‍ ശക്തമാണ്. പൊലീസ് കസ്റ്റഡിയിലെടുത്ത കെ.വിദ്യക്കും ഒളിവിലുള്ള നിഖില്‍ തോമസിനും സിപിഐഎം സംരക്ഷണം കിട്ടി എന്ന ആരോപണവും ശക്തമാണ്. ആലപ്പുഴ ജില്ലാ സെക്രട്ടേറിയറ്റ് അംഗം കെ എച്ച് ബാബുജാനാണ് നിഖിലിനെ സഹായിച്ചതെന്നും ആരോപണമുണ്ട്.
അതേസമയം വ്യാജ സര്‍ട്ടിഫിക്കറ്റ് വിവാദത്തിനു ശേഷം ആദ്യമായാണ് ഇന്ന് എസ്എഫ്ഐ സംസ്ഥാന സമിതി ചേരുന്നത്. നിഖില്‍ തോമസിന്റെ ഡിഗ്രി സര്‍ട്ടിഫിക്കറ്റില്‍ വ്യക്തത വരും മുമ്പ് സംസ്ഥാന സെക്രട്ടറി പി.എം.ആര്‍ഷോ തിടുക്കപ്പെട്ട് ന്യായീകരണം നടത്തിയതില്‍ എസ്എഫ്ആയില്‍ തന്നെ വിയോജിപ്പുണ്ട്.
Read More
വ്യാജ രേഖാ ആരോപണങ്ങള്‍ക്കിടെ സിപിഐഎം സംസ്ഥാന സെക്രട്ടറിയേറ്റ് ഇന്ന്
നിഖിൽ തോമസിനെതിരായ ആരോപണം: വ്യാജ സർട്ടിഫിക്കറ്റ് എസ്എഫ്ഐയിൽ ഒറ്റപ്പെട്ട സംഭവമല്ലെന്ന് കെ എസ് യു; ഡിജിപിക്ക് പരാതി നൽകും
വ്യാജ ഡിഗ്രി വിവാദം; സര്‍ട്ടിഫിക്കറ്റ് എസ്എഫ്ഐ നേതൃത്വത്തിന് മുന്നില്‍ ഹാജരാക്കിയെന്ന് നിഖില്‍ തോമസ്
‘തോറ്റ നേതാവിന് എംകോമിന് പ്രവേശനം’; ആലപ്പുഴ എസ്എഫ്ഐയിൽ വ്യാജ ഡിഗ്രി വിവാദം