നിമിഷപ്രിയക്ക് വേണ്ടി ചെയ്യാനാകുന്ന സഹായം നൽകുമെന്ന് മുഖ്യമന്ത്രി; ബന്ധുക്കളുമായി കൂടിക്കാഴ്ച

യെമനിൽ വധശിക്ഷക്ക് വിധിക്കപ്പെട്ട നിമിഷപ്രിയയുടെ ബന്ധുക്കൾ മുഖ്യമന്ത്രിയെ കണ്ടു. രക്ഷപ്പെടുത്തുന്നതിനാവശ്യമായ നയപരമായ സഹായം തേടിയാണ് നിമിഷ പ്രിയയുടെ അമ്മ പ്രേമകുമാരിയും ആക്ഷൻ കൗൺസിൽ അംഗങ്ങളും മുഖ്യമന്ത്രി പിണറായി വിജയനെ കണ്ടത്

സർക്കാരിന്റെ ഭാഗത്ത് നിന്ന് ചെയ്യാൻ കഴിയുന്ന പരമാവധി സഹായം നൽകുമെന്ന് മുഖ്യമന്ത്രി ഉറപ്പ് നൽകിയതായി പ്രേമകുമാരി പറഞ്ഞു. ഇതേ ആവശ്യവുമായി നിമിഷപ്രിയയുടെ അമ്മയും ആക്ഷൻ കൗൺസിൽ അംഗങ്ങളും പ്രതിപക്ഷ നേതാവ് വി ഡി സതീശനുമായും കൂടിക്കാഴ്ച നടത്തി

നേരത്തെ യെമൻ സുപ്രീം കോടതിയിൽ നിമിഷ പ്രിയക്ക് അപ്പീൽ നൽകാനുള്ള സഹായം നൽകുമെന്ന് കേന്ദ്രസർക്കാർ ഡൽഹി ഹൈക്കോടതിയിൽ അറിയിച്ചിരുന്നു. യെമൻ പൗരൻ തലാൽ അബ്ദുമഹ്ദിയെ കൊലപ്പെടുത്തിയ കേസിലാണ് നിമിഷക്ക് വധശിക്ഷ വിധിച്ചത്. ഇത് അപ്പീൽ കോടതി ശരിവെക്കുകയും ചെയ്തിരുന്നു.
 

Read More

നിമിഷപ്രിയയുടെ മോചനത്തിനായി നയതന്ത്ര ഇടപെടൽ വേണം; ഡൽഹി ഹൈക്കോടതിയിൽ ഹർജി നിമിഷപ്രിയയുടെ അപ്പീലിൽ വിധി പറയുന്നത് യെമനിലെ കോടതി വീണ്ടും മാറ്റി നിമിഷപ്രിയക്ക് യെമനിൽ അപ്പീൽ നൽകുന്നതിനുള്ള സഹായം നൽകുമെന്ന് കേന്ദ്രസർക്കാർ വഴിയോരത്ത് ബിരിയാണി കച്ചവടം: സജനയ്ക്ക് അടിയന്തര സാമ്പത്തിക സഹായം നല്‍കുമെന്ന് മന്ത്രി കെ കെ ശൈലജ