വീണ്ടും തകർപ്പൻ അർധസെഞ്ച്വറിയുമായി സഞ്ജു; ഹിമാചലിനെ തകർത്ത് കേരളം ക്വാർട്ടറിൽ

സയ്യിദ് മുഷ്താഖ് അലി ട്രോഫിയിൽ ഹിമാചൽ പ്രദേശിനെ തകർത്ത് കേരളം ക്വാർട്ടറിൽ കടന്നു. ഇന്ന് നടന്ന മത്സരത്തിൽ എട്ട് വിക്കറ്റിനാണ് കേരളത്തിന്റെ ജയം. ആദ്യം ബാറ്റ് ചെയ്ത ഹിമാചൽ ആറ് വിക്കറ്റ് നഷ്ടത്തിൽ 145 റൺസ് എടുത്തു. മറുപടി ബാറ്റിംഗിൽ കേരളം 19.3 ഓവറിൽ രണ്ട് വിക്കറ്റ് നഷ്ടത്തിൽ വിജയലക്ഷ്യം മറികടന്നു.

അർധ സെഞ്ച്വറിയുമായി നായകൻ സഞ്ജു സാംസൺ ക്രീസിലുണ്ടായിരുന്നു. മുഹമ്മദ് അസ്ഹറുദ്ദീനും അർധ സെഞ്ച്വറി നേടി. സഞ്ജു 29 പന്തിൽ ആറ് ഫോറും ഒരു സിക്‌സും സഹിതം 52 റൺസെടുത്തു. അസ്ഹറുദ്ദീൻ 57 പന്തിൽ രണ്ട് സിക്‌സും നാല് ഫോറും സഹിതം 60 റൺസെടുത്തു. സച്ചിൻ ബേബി അഞ്ച് പന്തിൽ പത്ത് റൺസുമായി പുറത്താകാതെ നിന്നു. രോഹൻ കുന്നുമ്മൽ 22 റൺസെടുത്തു പുറത്തായി.

നേരത്തെ 65 റൺസെടുത്ത രാഘവ് ധവാന്റെ മികവിലാണ് ഹിമാചൽ സ്‌കോർ 145ൽ എത്തിയത്. പ്രശാന്ത് ചോപ്ര 36 റൺസും ദിഗ് വിജയ് രംഗി 17 റൺസുമെടുത്തു. മറ്റാർക്കും തിളങ്ങാനായില്ല

Read More

പഞ്ചാബിന്റെ വഴി മുടക്കി ചെന്നൈ സൂപ്പർ കിംഗ്‌സ്; 9 വിക്കറ്റിന്റെ തകർപ്പൻ ജയം ഐപിഎൽ ചരിത്രത്തിലെ ഏറ്റവും വലിയ റൺ ചേസ്; തുടർച്ചയായ രണ്ടാം മത്സരത്തിലും മാൻ ഓഫ് ദ മാച്ചായി സഞ്ജു ദേവ്ദത്തിനും കോഹ്ലിക്കും അർധ സെഞ്ച്വറി; രാജസ്ഥാനെതിരെ ബാംഗ്ലൂരിന് തകർപ്പൻ ജയം സച്ചിന്റെ മിന്നൽ പ്രകടനം പാഴായി; ഹരിയാനക്കെതിരെ കേരളം പൊരുതി തോറ്റു