രാജ്യത്തെ ആദ്യ മുസ്‌ലിം വനിതാ റേഞ്ചര്‍ ഇനി സ്വന്തം നാട്ടില്‍ ഡിഎഫ്ഒ
കല്‍പറ്റ: രാജ്യത്തെ ആദ്യ മുസ്‌ലിം വനിതാ ഫോറസ്റ്റ് റേഞ്ചര്‍ ആയി ചരിത്രത്തിലിടം നേടിയ എ ഷജ്‌ന സൗത്ത് വയനാട് ഡിഎഫ്ഒ ആയി ചുമതലയേറ്റു. നിലവിലെ സൗത്ത് വയനാട് ഡി എഫ് ഒ പി രഞ്ജിത്ത് കോഴിക്കോട് ഡി എഫ് ഒ ആയി സ്ഥലം മാറിയ ഒഴിവിലേക്കാണ് ആറളം വൈല്‍ഡ് ലൈഫ് വാര്‍ഡനായിരുന്ന എ ഷജ്‌ന ചുമതലയേറ്റത്. മാനന്തവാടി സ്വദേശിനിയാണ് ഷജ്‌ന. ഭര്‍ത്താവ് അബ്ദുല്‍ കരീം മാനന്തവാടി സിഐ ആണ്. ഫോറസ്റ്റ് കണ്‍സര്‍വേറ്ററായി വിരമിച്ച മാനന്തവാടിയിലെ എക്കണ്ടി അബ്ദുല്ല യുടെ മകളാണ്.
ഫിസിക്‌സില്‍ ബിരുദാനന്തര ബിരുദമടക്കമുള്ള ഉപരി പഠന യോഗ്യതകളുള്ള ഷജ്‌ന 2007 ലാണ് ഇന്ത്യയിലെ ആദ്യ വനിതാ ഫോറസ്റ്റ് റേഞ്ചര്‍ ആയി നിയമിതയായത്. സുല്‍ത്താന്‍ ബത്തേരി സോഷ്യല്‍ ഫോറസ്ട്രി ഡിവിഷനിലായിരുന്നു പ്രഥമ നിയമനം. തോല്‍പെട്ടി വന്യ ജീവി സങ്കേതത്തിലടക്കം സംസ്ഥാനത്തെ പ്രധാന വനമേഖലകളില്‍ റേഞ്ചചറായി സേവനമനുഷ്ഠിച്ചു.
2015ല്‍ ഡിഎഫ്ഒ ആയി സ്ഥാനക്കയറ്റം ലഭിച്ചു. കാസര്‍കോട് സോഷ്യല്‍ ഫോറസ്ട്രി ഡിവിഷനിലായിരുന്നു ആദ്യ നിയമനം. ഇതാദ്യമായാണ് വയനാട്ടുകാരിയായ ഒരു വനിത സൗത്ത് വയനാട് ഡി എഫ് ഒ ആയി ചുമതലയേല്‍ക്കുന്നത്.
Read More
കല്‍പറ്റ തിരുത്തുമോ ചരിത്രം? കൗതുകത്തോടെ രാഷ്ട്രീയ കേരളം കല്‍പറ്റ-മുസ്‌ലിം നാമധാരിയെ നിയമസഭയിലേക്കു അയയ്ക്കാത്ത മണ്ഡലമെന്ന ചരിത്രം ഇക്കുറി കല്‍പറ്റ തിരുത്തുമോ? ഉറ്റുനോക്കുകയാണ് രാഷ്ടീയ കേരളം
മുസ്‌ലിം കളിക്കാർക്കു മുമ്പിൽ ഇനി മദ്യക്കുപ്പിയില്ല; തീരുമാനവുമായി യുവേഫ
ആദ്യ ഫലപ്രഖ്യാപനം എൽ ഡി എഫിന് സ്വന്തം; മന്ത്രി ടി പി രാമകൃഷ്ണൻ പേരാമ്പ്രയിൽ വിജയിച്ചു
ജോസ് കെ മാണിയെ മുസ്‌ലിം ലീഗും കയ്യൊഴിഞ്ഞു