വീട്ടുമുറ്റത്ത് പാർക്ക് ചെയ്തിരുന്ന നാല് ബൈക്കുകൾ കത്തിച്ചു; അന്വേഷണം ആരംഭിച്ച് ചെറുതുരുത്തി പൊലീസ്
തൃശൂർ ചേലക്കര വെട്ടിക്കാട്ടിരിയിൽ വീട്ടുമുറ്റത്ത് നിർത്തിയിട്ടിരുന്ന നാല് ബൈക്കുകൾ കത്തിച്ചു. പള്ളിഞ്ഞാലിൽ മോഹനൻ്റെ വീട്ടിലെ ബൈക്കുകളാണ് പുലർച്ചെ കത്തിച്ചത്.മോഹനൻ്റെ ഓട്ടോറിക്ഷയും കത്തിക്കാൻ ശ്രമം നടന്നു.മോഹനൻ്റെ മകൻ ബിബീഷ് ആർ എസ് എസ് പ്രവർത്തകനാണ്.
പൊലീസ് അന്വേഷണം തുടങ്ങി.
ഒരു ബൈക്ക് പൂര്‍ണ്ണമായും 3 വണ്ടികള്‍ ഭാഗികമായും കത്തി. വീടിനുമുന്നില്‍ നിര്‍ത്തിയിട്ടിരുന്ന ഓട്ടോറിക്ഷയിലും പെട്രോള്‍ ഒഴിച്ചിരുന്നു. എന്നാല്‍ ഇതിലേക്ക് തീപിടിച്ചില്ല. ഇന്നു പുലര്‍ച്ചെ 4 മണിയോടെയാണ് സംഭവം. ചെറുതുരുത്തി പോലീസ് സംഭവ സ്ഥലത്തെത്തി പരിശോധന നടത്തി.
