കൊവിഷീൽഡ് രണ്ടാം ഡോസ് 28 ദിവസത്തിനകം എടുക്കാമെന്ന് ഹൈക്കോടതി ഉത്തരവ്
കൊവിഷീൽഡ് വാക്‌സിന്റെ രണ്ടാം ഡോസ് 28 ദിവസത്തിനകം എടുക്കാമെന്ന് കേരളാ ഹൈക്കോടതി. കൊവിൻ വെബ്‌സൈറ്റിൽ ഇതിന് വേണ്ട മാറ്റങ്ങൾ വരുത്താൻ കോടതി നിർദേശം നൽകി. കിറ്റെക്‌സിന്റെ ഹർജിയിലാണ് ഹൈക്കോടതി നിർദേശം
കൊവിഷീൽഡ് വാക്‌സിൻ രണ്ടാം ഡോസ് നൽകാൻ 84 ദിവസം കഴിയണമെന്നതായിരുന്നു കേന്ദ്രസർക്കാർ നിലപാട്. ഇത് തള്ളിക്കൊണ്ടാണ് കോടതി ഉത്തരവ്. ആവശ്യക്കാർക്ക് രണ്ടാം ഡോസ് 28 ദിവസത്തിനുള്ളിൽ എടുക്കാമെന്ന് ഹൈക്കോടതി ഉത്തരവിട്ടു. നിലവിൽ വിദേശത്ത് പോകുന്നവർക്കും 28 ദിവസത്തിന് ശേഷം രണ്ടാം ഡോസ് നൽകുന്നുണ്ട്. പ്രത്യേക രജിസ്‌ട്രേഷൻ സംവിധാനത്തിലാണ് ഇത് നടപ്പാക്കുന്നത്. എന്തുകൊണ്ട് മറ്റുള്ളവർക്കും ഇത് നടപ്പാക്കിക്കൂടാ എന്ന് കോടതി ചോദിച്ചു
ജസ്റ്റിസ് പി വി സുരേഷ്‌കുമാറിന്റേതാണ് വിധി. ഹർജിയിൽ കേന്ദ്ര, സംസ്ഥാന സർക്കാരുകളുടെ നിലപാട് കോടതി തേടിയിരുന്നു.
Read More
കൊവിഷീൽഡിന്റെ രണ്ടാം ഡോസിന് 84 ദിവസത്തെ ഇടവേള എന്തിനെന്ന് കേന്ദ്രത്തോട് ഹൈക്കോടതി
വിദേശത്തേക്ക് പോകേണ്ടവർക്ക് രണ്ടാം ഡോസ് കൊവിഷീൽഡ് വാക്‌സിൻ നേരത്തെ നൽകും
കൊവിഷീൽഡ് വാക്‌സിൻ; രണ്ടാം ഡോസ് 12 മുതൽ 16 ആഴ്ച്ച വരെ ദീർഘിപ്പിക്കാം
വാക്‌സിൻ മിക്‌സിംഗ് പരീക്ഷണത്തിന് അനുമതി: ഒന്നാം ഡോസ് കൊവിഷീൽഡ്, രണ്ടാം ഡോസ് കൊവാക്‌സിൻ