ഹൈദരലി തങ്ങൾ ഇ ഡിക്ക് മുന്നിൽ ഇന്ന് ഹാജരായേക്കില്ല; ലീഗിൽ ചേരിപ്പോര് രൂക്ഷം

ചന്ദ്രിക പത്രത്തിന്റെ അക്കൗണ്ട് വഴി കള്ളപ്പണം വെളുപ്പിച്ചെന്ന കേസിൽ പാണക്കാട് ഹൈദരലി ശിഹാബ് തങ്ങൾ ഇ ഡിക്ക് മുന്നിൽ ഇന്ന് ഹാജരായേക്കില്ല. ചികിത്സയിലുള്ള ഹൈദരലി അനാരോഗ്യം കാരണം ഹാജരാകാൻ കഴിയില്ലെന്ന് ഇ ഡിയെ അറിയിച്ചിട്ടുണ്ട്. അതേസമയം ചന്ദ്രിക ഫിനാൻസ് മാനേജർ സമീർ ഇന്ന് കൊച്ചിയിലെ ഇ ഡി ഓഫീസിൽ ഹാജരായേക്കും.

വിഷയത്തെ ചൊല്ലി മുസ്ലിം ലീഗിൽ കടുത്ത പൊട്ടിത്തെറിയാണ് നടക്കുന്നത്. പി കെ കുഞ്ഞാലിക്കുട്ടിക്കെതിരെ രൂക്ഷ വിമർശനവുമായി ഹൈദരാലിയുടെ മകൻ മൊയിൻ അലി ഇന്നലെ വാർത്താ സമ്മേളനം നടത്തിയിരുന്നു. കുഞ്ഞാലിക്കുട്ടിയുടെ അനുയായികൾ ഇടയ്ക്ക് വെച്ച് അസഭ്യം പറഞ്ഞ് വാർത്താ സമ്മേളനം നിർത്തിക്കുകയും ചെയ്തതോടെ ഇതുവരെ കാണാത്ത പ്രതിസന്ധിയിലൂടെയാണ് ലീഗ് കടന്നുപോകുന്നത്.

കുഞ്ഞാലിക്കുട്ടിക്കെതിരെ പരസ്യമായി കുറ്റങ്ങൾ വിളിച്ചുപറഞ്ഞ മൊയിൻ അലിക്കെതിരെ നടപടിയെടുക്കണമെന്ന് ഒരു വിഭാഗം ആവശ്യപ്പെട്ടിട്ടുണ്ട്. എന്നാൽ കുഞ്ഞാലിക്കുട്ടിക്കെതിരെ നടപടി ആവശ്യപ്പെട്ട് മറുവിഭാഗവും രംഗത്തുവരികയാണ്.

Read More

മുസ്ലിം ലീഗിൽ പൊട്ടിത്തെറി: കുഞ്ഞാലിക്കുട്ടിക്കെതിരെ ഹൈദരലി തങ്ങളുടെ മകൻ രംഗത്ത് തുറാബ് സാദാത്ത് കുടുംബത്തിലെ കാരണവരും പ്രമുഖ ആത്മീയ ചികിത്സാരിയുമായ സയ്യിദ് പൂക്കോയ തങ്ങൾ തുറാബ് (കൽപ്പറ്റ തുറാബ് തങ്ങൾ – 70) നിര്യാതനായി ചാംപ്യന്‍സ് ലീഗിൽ ക്വാര്‍ട്ടർ മത്സരങ്ങൾ ഇന്ന് തുടങ്ങും ചാമ്പ്യൻസ് ലീഗിൽ ഇന്ന് വമ്പൻ പോരാട്ടം; യുവന്റസും ബാഴ്‌സയും നേർക്കുനേർ