കെ എസ് എഫ് ഇ വിദ്യാശ്രീ ; പഠനപ്രക്രിയ മികച്ചതാക്കാൻ കുട്ടികൾക്ക് ലാപ് ടോപ്പ് വിതരണം ചെയ്യുന്ന പദ്ധതിക്ക് മന്ത്രിസഭയുടെ അംഗീകാരം
കൊവിഡിന്റെ പശ്ചാത്തലത്തില്‍ പഠനപ്രക്രിയ മികച്ചതാക്കാന്‍ കുട്ടികള്‍ക്ക് ലാപ് ടോപ്പ് വിതരണം ചെയ്യുന്ന പദ്ധതി നടപ്പാക്കാന്‍ മന്ത്രിസഭാ യോഗം അനുമതി നല്‍കിയതായി മുഖ്യമന്ത്രി പിണറായി വിജയന്‍ അറിയിച്ചു. കെ എസ് എഫ് ഇ വിദ്യാശ്രീ എന്നാണ് പദ്ധതിയുടെ പേര്. കുടുംബശ്രീയുമായി ചേര്‍ന്ന് ഇത് പ്രാവര്‍ത്തികമാക്കും. പദ്ധതി വഴി ലാപ് ടോപ്പ് വാങ്ങുന്ന കുട്ടികള്‍ക്ക് വിവിധ വകുപ്പുകളുടെയും സര്‍ക്കാര്‍ ഏജന്‍സികളുടെയും സബ്‌സിഡി ലഭ്യമാക്കും
മഹാപ്രളയവും കാലവര്‍ഷക്കെടുതിയും നേരിടാന്‍ വിദ്യാര്‍ഥികള്‍ അടക്കമുള്ള യുവജനം മഹത്തായ പങ്കുവഹിച്ചു. ഇതിന്റെ പശ്ചാത്തലത്തിലാണ് 3.47 ലക്ഷം പേരുള്ള സാമൂഹിക സന്നദ്ധ സേന രൂപികരിച്ചത്. ഇവരില്‍ വലിയൊരു പങ്കും 18നും 35നും ഇടയില്‍ പ്രായമുള്ളവരാണ്. യുവസമൂഹത്തിന് ദിശാ ബോധം നല്‍കാനും ഭാവി നേതാക്കളായി വളര്‍ത്താനും യൂത്ത് ലീഡര്‍ഷിപ്പ് അക്കാദമി സ്ഥാപിക്കും
തദ്ദേശ സ്ഥാപനങ്ങളിലേക്ക് വരുന്ന ചെറുപ്പക്കാര്‍ക്ക് ഭരണകാര്യത്തിലും നിയമകാര്യത്തിലും പരിശീലനവും അറിവും നല്‍കും. ദുരന്ത പ്രതികരണത്തിലും ജോലികളിലും പരിശീലനം നല്‍കും. ഇതിന് വേണ്ട വിശദമായ റിപ്പോര്‍ട്ട് തയ്യാറാക്കാന്‍ അമിത് മീണയെ ചുമതലപ്പെടുത്തിയതായും മുഖ്യമന്ത്രി അറിയിച്ചു.
Read More
സംസ്ഥാന സര്‍ക്കാരിന്റെ വിദ്യാശ്രീ പദ്ധതി വഴി വിദ്യാര്‍ഥികള്‍ക്ക് ലാപ്ടോപ് വിതരണം ചെയ്യുന്ന പദ്ധതി നാളെ ആരംഭിക്കും
കെ ഫോൺ ഒന്നാം ഘട്ടം ഫെബ്രുവരിയിൽ; എല്ലാ വീട്ടിലും ലാപ്ടോപ് ലഭ്യമാക്കാൻ പദ്ധതി
കോവിഡ് രോഗവ്യാപന പശ്ചാതലത്തിൽ കെ എസ് എഫ് ഇ യിലെ ഓഗസ്റ്റ് മാസത്തെ ചിട്ടി ലേലം മാറ്റിവെക്കണമെന്ന് കെ എസ് എഫ് ഇ ഏജൻ്റ്സ് അസോസിയേഷൻ സി ഐ ടി യു കോഴിക്കോട് ജില്ലാ സെന്റർ ആവശ്യപ്പെട്ടു
സ്‌കൂൾ ഉച്ചഭക്ഷണ പദ്ധതിയിൽ ഉൾപ്പെട്ട കുട്ടികൾക്ക് ഭക്ഷ്യകിറ്റ് വിതരണം ചെയ്യും