പാലക്കാട് പെട്രോൾ പമ്പിൽ നിർത്തിയിട്ട ബസ് മോഷണം

പാലക്കാട് നഗരത്തിൽ ബസ് മോഷണം. കോട്ടമൈതാനത്തിന് സമീപം പെട്രോൾ പമ്പിൽ നിർത്തിയിട്ട ചെമ്മനം എന്ന ബസാണ് മോഷണം പോയത്. തൃശൂർ പാലക്കാട് റൂട്ടിൽ ഓടുന്ന ബസാണ് ചെമ്മനം. പൊലീസിൽ പരാതി നൽകിയതിന് പിന്നാലെ നടത്തിയ പരിശോധനയിൽ ബസ് നഗരത്തിൽ തന്നെ നിർത്തിയിട്ട നിലയിൽ കണ്ടെത്തി.

പട്ടികാട് സ്വദേശി സാലുവിന്റെ ഉടമസ്ഥതയിലുള്ള ബസാണ് കാണാതായത്. ഇന്നലെ വൈകിട്ട് 8.20 ഓടെ ട്രിപ്പ് അവസാനിപ്പിച്ച് ഡ്രൈവർ ജോഷി പമ്പിൽ ബസ് പാർക്ക് ചെയ്തിരുന്നു. തുടർന്ന് ബസ് ഒരാൾ കടത്തിക്കൊണ്ടു പോകുകയായിരുന്നു. ഇത് പമ്പിലെ സിസിടിവിൽ പതിഞ്ഞിട്ടുണ്ട്. ഇതോടെ ബസ് ഉടമസ്ഥർ പൊലീസിൽ പരാതി നൽകി. ഇതിന് പിന്നാലെ അൽപസമയം മുൻപ് ബസ് നഗരത്തിൽ തന്നെ നിർത്തിയിട്ട നിലയിൽ കണ്ടെത്തുകയായിരുന്നു.

Read More

കോഴിക്കോട് പുതിയ സ്റ്റാൻ്റ് പരിസരത്ത് നിർത്തിയിട്ട ഹീറോഹോണ്ട സ്പെൻഡർ ബൈക്ക് മോഷണം പോയി കണ്ണൂർ കരിവെള്ളൂരിൽ പെട്രോൾ പമ്പിൽ മോഷണം; മൂന്ന് ലക്ഷത്തിലേറെ രൂപയും ചെക്ക് ലീഫുകളും നഷ്ടപ്പെട്ടു പാലക്കാട് നിര്‍ത്തിയിട്ട ലോറിയില്‍ കത്തിക്കരിഞ്ഞ നിലയില്‍ മൃതദേഹം കണ്ടെത്തി കൊട്ടാരക്കര ഡിപ്പോയിൽ നിന്ന് കെ എസ് ആർ ടി സി ബസ് മോഷണം പോയി