ചെവിക്കുറ്റി നോക്കി അടിക്കണം: ഫോണിൽ വിളിച്ച വിദ്യാർഥിയോട് അപമര്യാദയായി സംസാരിച്ച് മുകേഷ്

കൊല്ലം എംഎൽഎ മുകേഷ് ഫോണിൽ വിളിച്ച വിദ്യാർഥിയോട് അപമര്യാദയായി പെരുമാറിയെന്ന് ആരോപണം. ഇതിന്റെ ശബ്ദരേഖ ഇപ്പോൾ സോഷ്യൽമീഡിയയിൽ പ്രചരിക്കുന്നുണ്ട്.. അത്യാവശ്യ കാര്യം പറയാൻ വേണ്ടി കൂട്ടുകാരന്റെ കൈയ്യിൽ നിന്നും നമ്പർ വാങ്ങി എംഎൽഎയെ വിളിച്ചതാണെന്ന് പറയുന്ന വിദ്യാർഥിയോട് എംഎൽഎ കയർത്ത് സംസാരിക്കുകയായിരുന്നു.

പാലക്കാട് ഒറ്റപ്പാലം സ്വദേശിയായ വിദ്യാർഥി സ്വന്തം എംഎൽഎയെ വിളിക്കാതെ തന്നെ വിളിച്ചതാണ് മുകേഷിനെ പ്രകോപിപ്പിച്ചത്. നമ്പർ തന്ന കൂട്ടുകാരൻ ആരാണെന്ന് നോക്കി അവന്റെ ചെവികുറ്റി നോക്കി അടിക്കണമെന്നും മുകേഷ് വിദ്യാർഥിയോട് പറയുന്നത് ശബ്ദരേഖയിൽ വ്യക്തമാണ്.

അത്യാവശ്യം പറയാനാണ് വിളിച്ചതെങ്കിലും ഒരിക്കൽ പോലും മുകേഷ് വിദ്യാർഥി വിളിച്ചതിന്റെ കാര്യവും അന്വേഷിക്കുന്നില്ല. പാലക്കാട് എംഎൽഎ എന്നൊരു ആൾ ജീവനോടെ ഇല്ലേയെന്നാണ് മുകേഷ് മറിച്ച് ചോദിക്കുന്നത്.

Read More

പുകമറ സൃഷ്ടിക്കാനുള്ള ശ്രമങ്ങൾ ജനങ്ങൾക്കറിയാം; എൽഡിഎഫ് വലിയ വിജയം നേടുമെന്ന് മുകേഷ് എം സി കമറുദ്ദീന് ഹൃദ്രോഗം സ്ഥിരീകരിച്ചു; ശസ്ത്രക്രിയക്ക് വിധേയനാക്കും നിക്ഷേപ തട്ടിപ്പ്: കമറുദ്ദീനെ ഉടൻ ചോദ്യം ചെയ്യുമെന്ന് ക്രൈംബ്രാഞ്ച്; കേസിൽ ബാഹ്യസമ്മർദമില്ല മുകേഷ് അടക്കം നിയമസഭാ സമ്മേളനത്തിൽ പങ്കെടുത്ത നാല് എംഎൽഎമാർക്ക് കൊവിഡ്