അനധികൃത കുടിയേറ്റക്കാരെ കണ്ടെത്തും; മണിപ്പൂരില്‍ ബയോമെട്രിക് വിവരങ്ങള്‍ ശേഖരിക്കാന്‍ കേന്ദ്രം
മണിപ്പൂരില്‍ ബയോമെട്രിക് വിവരങ്ങള്‍ ശേഖരിക്കാന്‍ കേന്ദ്രസര്‍ക്കാര്‍ നിര്‍ദേശം. മ്യാന്‍മറില്‍ നിന്ന് അനധികൃതമായി കുടിയേറിയവരുടെ വിവരങ്ങള്‍ ശേഖരിക്കാനാണ് നിര്‍ദേശം. സെപ്തംബറിനകം ക്യാമ്പെയിന്‍ പൂര്‍ത്തിയാക്കണമെന്നാണ് കേന്ദ്ര ആഭ്യന്തര മന്ത്രാലയത്തിന്റെ നിര്‍ദേശം.
സംസ്ഥാനത്തുള്ള എല്ലാ അനധികൃത മ്യാന്‍മര്‍ കുടിയേറ്റക്കാരുടെയും ബയോമെട്രിക് വിവരങ്ങള്‍ ശേഖരിക്കുന്നതിനായി എല്ലാ ജില്ലകളിലും ക്യാമ്പയിന്‍ തുടരും. ക്യാമ്പെയിനില്‍ സര്‍ക്കാര്‍ ഉദ്യോഗസ്ഥരെ സഹായിക്കാന്‍ നാഷണല്‍ ക്രൈം റെക്കോര്‍ഡ്‌സ് ബ്യൂറോയുടെ സംഘത്തെ നിയോഗിച്ചു.
നേരത്തെ മ്യാന്‍മറില്‍ നിന്നുള്ള കുടിയേറ്റക്കാര്‍, പോപ്പി കൃഷി, മയക്കുമരുന്ന് കച്ചവടം തുടങ്ങിയവ വ്യാപകമായി നടത്തുന്നുണ്ടെന്ന് മണിപ്പൂര്‍ മുഖ്യമന്ത്രി ബിരേന്‍ സിങ് ആരോപിച്ചിരുന്നു. 24 പുരുഷന്മാരും 74 സ്ത്രീകളും 6 കുട്ടികളും ഉള്‍പ്പെടെ 104 അനധികൃത കുടിയേറ്റക്കാരെയാണ് തടങ്കല്‍ കേന്ദ്രങ്ങളില്‍ കഴിഞ്ഞ രണ്ട് വര്‍ഷത്തിനിടെ പാര്‍പ്പിച്ചിരിക്കുന്നത്. ജൂലൈയില്‍ മാത്രം എഴുന്നൂറോളം അനധികൃത കുടിയേറ്റക്കാര്‍ സംസ്ഥാനത്തെത്തിയിട്ടുണ്ടെന്നാണ് സര്‍ക്കാര്‍ ചൂണ്ടിക്കാട്ടുന്നത്.
Read More
‘സര്‍ക്കാര്‍ ഇടപെട്ടില്ലെങ്കില്‍ കോടതിക്ക് നടപടിയെടുക്കേണ്ടിവരും’; മണിപ്പൂരില്‍ സ്ത്രീകള്‍ക്കെതിരായ ആക്രമണത്തില്‍ മുന്നറിയിപ്പുമായി സുപ്രിംകോടതി
മണിപ്പൂരില്‍ സമാധാനത്തിന് ആഹ്വാനം ചെയ്ത് രാഹുല്‍ ഗാന്ധി; ബിരേന്‍ സിങിന്റെ രാജിക്കത്ത് കീറിയെറിഞ്ഞ് ജനക്കൂട്ടം
പാതയോരങ്ങളിലെ അനധികൃത കൊടിമരങ്ങൾ മാറ്റാൻ ജില്ലാ കലക്ടർമാർക്ക് നിർദേശം നൽകി ഹൈക്കോടതി
രാഹുല്‍ ഗാന്ധി മണിപ്പൂരില്‍; കലാപബാധിത മേഖലകള്‍ സന്ദര്‍ശിക്കും