അതിർത്തിയിൽ രോഗികളെയും സ്ഥിരം യാത്രികരെയും വിദ്യാർഥികളെയും തടയരുതെന്ന് കർണാടകയോട് ഹൈക്കോടതി

സംസ്ഥാന അതിർത്തിയിൽ രോഗികളെ തടയരുതെന്ന് കർണാടകയോട് കേരളാ ഹൈക്കോടതി. മതിയായ രേഖകൾ ഉണ്ടെങ്കിൽ രോഗികളെ കടത്തിവിടണമെന്നും സ്ഥിരം യാത്രക്കാരെയും വിദ്യാർഥികളെയും തടയരുതെന്നും കോടതി നിർദേശിച്ചു.

പൊതുതാത്പര്യ ഹർജികൾ പരിഗണിച്ചാണ് ഹൈക്കോടതിയുടെ ഇടക്കാല ഉത്തരവ്. കേരളത്തിലെ കൊവിഡ് വ്യാപനം ചൂണ്ടിക്കാട്ടിയാണ് കർണാടക അതിർത്തിയിൽ വാഹനങ്ങൾ തടഞ്ഞിരുന്നത്. എന്നാൽ കൊവിഡ് എസ് ഒ പി പ്രകാരം രോഗികളുടെ വാഹനം തടയാൻ പാടില്ലെന്ന് ഹൈക്കോടതി നിർദേശിച്ചു.

സ്വകാര്യ വാഹനങ്ങളിൽ എത്തിയാൽ മതിയായ രേഖകളുണ്ടെങ്കിൽ രോഗികളെ കടത്തിവിടണം. സ്ഥിരം യാത്രക്കാരെയും വിദ്യാർഥികളെയും തടയരുത്. ജോലിക്കും വിദ്യാഭ്യാസത്തിനുമായി കർണാടകയിലേക്ക് സ്ഥിരമായി യാത്ര ചെയ്യുന്നവരെ തടയരുത്. അവരുടെ യാത്രയ്ക്ക് ബുദ്ധിമുട്ട് ഉണ്ടാക്കരുതെന്നും കോടതി നിർദേശിച്ചു.

Read More

അതിർത്തിയിൽ ഇന്ന് മുതൽ കൊവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി കർണാടക ഹർജി ഇന്ന് പരിഗണിക്കാനിരിക്കെ അതിർത്തിയിൽ പരിശോധന കർണാടക വീണ്ടും കർശനമാക്കി കാശ്മീർ അതിർത്തിയിൽ പാക് സൈന്യത്തിന്റെ ഡ്രോൺ ഇന്ത്യൻ സൈനികർ വെടിവെച്ചിട്ടു എട്ടാം ക്ലാസ് വരെയുള്ള എല്ലാ വിദ്യാർഥികളെയും ജയിപ്പിക്കാൻ വിദ്യാഭ്യാസ വകുപ്പ്