സിനിമയിൽ നിന്ന് പ്രചോദനം, കർണാടകയിൽ യുവാവ് ആത്മഹത്യ ചെയ്തു

കർണാടകയിലെ തുമകുരുവിൽ യുവാവ് തീക്കൊളുത്തി ആത്മഹത്യ ചെയ്തു. തെലുങ്ക് ചിത്രത്തിൽ നിന്നും പ്രചോദനം ഉൾക്കൊണ്ട 23 കാരൻ പെട്രോൾ ഒഴിച്ച് സ്വയം കൊളുത്തുകയായിരുന്നു. ആത്മഹത്യ ചെയ്ത ശേഷം തനിക്ക് മുക്തി ലഭിക്കുമെന്ന് പിതാവിനോട് പറയുന്ന വീഡിയോയും യുവാവ് തയ്യാറാക്കിയതായി റിപ്പോർട്ടുണ്ട്.

തുമകുരു ജില്ലയിൽ മധുഗിരിയിലെ ഒരു ഗ്രാമത്തിലാണ് സംഭവം. തെലുങ്ക് ഹൊറർ സിനിമയായ അരുന്ധതിയിൽ നിന്നും പ്രചോദനം ഉൾകൊണ്ടായിരുന്നു ആത്മഹത്യ. സിനിമ 15 തവണ കണ്ട യുവാവ്, കഥാപാത്രത്തെ പോലെ പന്ത്രണ്ടാം ക്ലാസ് പഠനം പാതിവഴിയിൽ ഉപേക്ഷിച്ചു. കൂടാതെ ചിത്രത്തിൽ ഉള്ളത് പോലെ ആത്മഹത്യ ചെയ്തൽ തനിക്ക് മുക്തി ലഭിക്കുമെന്ന് വിശ്വസിക്കുകയും ചെയ്തു.

സിനിമ കാണരുതെന്ന് മാതാപിതാക്കൾ പലയാവർത്തി ആവശ്യപ്പെട്ടു. എന്നാൽ ഉപദേശം യുവാവ് ചെവിക്കൊണ്ടിരുന്നില്ല. കഴിഞ്ഞ ദിവസം രാത്രിയോടെ 20 ലിറ്റർ പെട്രോൾ ദേഹത്ത് ഒഴിച്ച യുവാവ് തീ കൊളുത്തി. വഴിയാത്രക്കാരാണ് ഇയാളെ അടുത്തുള്ള ആശുപത്രിയിൽ എത്തിച്ചത്. പിന്നീട് വിക്ടോറിയ ആശുപത്രിയിൽ എത്തിച്ചെങ്കിലും 60 ശതമാനം പൊള്ളലേറ്റതിനെ തുടർന്ന് ബുധനാഴ്ച മരിച്ചു.

Read More

വിവാഹാഭ്യർഥന നിരസിച്ചു: കാമുകിയെ കാറിനുള്ളിൽ തീ കൊളുത്തി കൊന്ന ശേഷം യുവാവ് ആത്മഹത്യ ചെയ്തു കാമുകി വിവാഹത്തിന് വിസമ്മതിച്ചു; ഫേസ്ബുക്കില്‍ ലൈവിട്ട ശേഷം യുവാവ് ആത്മഹത്യ ചെയ്തു ഭാര്യ കാമുകനൊപ്പം ഒളിച്ചോടി; കാഞ്ഞങ്ങാട് യുവാവ് ആത്മഹത്യ ചെയ്തു മാനസയുടെ മരണം വേദനിപ്പിച്ചെന്ന് കുറിപ്പ്; മലപ്പുറത്ത് യുവാവ് ആത്മഹത്യ ചെയ്തു