തുടര്‍ച്ചയായി സര്‍വീസ് മുടങ്ങുന്നതിന് കാരണം അറിയിക്കണം;ഗോ ഫസ്റ്റ് വിമാനക്കമ്പനിക്ക് ഡിജിസിഎ നോട്ടീസ്
ഗോ ഫസ്റ്റ് വിമാനക്കമ്പനിക്ക് നോട്ടീസ് നല്‍കി ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ . തുടര്‍ച്ചയായി സര്‍വീസുകള്‍ മുടങ്ങുന്നതിന് കാരണം അറിയിക്കണണെന്നാണ് ഡിജിസിഎ നോട്ടീസിലുള്ളത്. 15 ദിവസത്തിനകം നോട്ടീന് മറുപടി നല്‍കാനും നിര്‍ദേശം നല്‍കി. ഗോ ഫസ്റ്റിന്റെ ടിക്കറ്റ് വില്‍പ്പന പൂര്‍ണമായി നിര്‍ത്തിവയ്ക്കുമെന്നും ഡിജിസിഎ അറിയിച്ചു.
കടുത്ത സാമ്പത്തിക പ്രതിസന്ധിയിലൂടെ കടന്ന് പോകുകയാണ് കമ്പനിയെന്നാണ് ഗോ ഫസ്റ്റിന്റെ വിശദീകരണം. മെയ് 12 വരെയുള്ള സര്‍വീസുകള്‍ നിര്‍ത്തിവെച്ചിരിക്കുകയാണ് നിലവില്‍. ടിക്കറ്റുകള്‍ ബുക്ക് ചെയ്ത യാത്രക്കാര്‍ക്ക് മുഴുവന്‍ തുകയും മടക്കി നല്‍കുമെന്ന് കമ്പനി അറിയിച്ചു.
കൂടാതെ, വാഡിയ ഗ്രൂപ്പിന്റെ ഉടമസ്ഥതയിലുള്ള ഗോ ഫസ്റ്റ് എയര്‍ലൈന്‍ നാഷണല്‍ കമ്പനി ലോ ട്രൈബ്യൂണലിന് (എന്‍സിഎല്‍ടി) മുമ്പാകെ അപേക്ഷ നല്‍കിയിട്ടുണ്ട്. കൊവിഡ് മൂലം പ്രതിസന്ധിയിലായ എയര്‍ലൈനിന്റെ കടവും ബാധ്യതകളും പുനര്‍രൂപീകരിക്കുന്നതിനാണ് കമ്പനിയുടെ അപ്പീല്‍.
മെയ് 15 വരെ ഗോ ഫസ്റ്റിന്റെ ടിക്കറ്റ് ബുക്കിംഗ് നിര്‍ത്തി വെച്ചതായി ഡിജിസിഎ. കുറഞ്ഞ നിരക്കില്‍ സര്‍വീസ് നടത്തുന്ന ഗോ ഫസ്റ്റ് പ്രവാസികള്‍ ഉള്‍പ്പെടെയുള്ള യാത്രക്കാര്‍ക്ക് വലിയൊരു ആശ്വാസമായിരുന്നു. അതിനാല്‍, വിമാനങ്ങള്‍ റദ്ദാക്കാനുള്ള തീരുമാനം യാത്രക്കാര്‍ക്ക് വലിയ തിരിച്ചടിയാണ് നല്‍കുന്നത്.
Read More
കോവിഡിനെ തുടര്‍ന്നുണ്ടായിരുന്ന വിലക്ക് പിന്‍വലിച്ചു; വിമാനങ്ങളില്‍ ഭക്ഷണം വിളമ്പാന്‍ ഡിജിസിഎ അനുമതി
ബംഗളൂരുവിൽ 50 യാത്രക്കാരെ മറന്ന് വിമാനം പറന്നുപൊങ്ങി; വിശദീകരണം തേടി ഡിജിസിഎ
പാപ്പരത്വ പരിഹാര നടപടികൾക്കായി ഗോ ഫസ്റ്റ്; ഫ്ലൈറ്റുകൾ താൽക്കാലികമായി നിർത്തിവെച്ചു
വിമാനങ്ങളിൽ യാത്രക്കാരുടെ മോശം പെരുമാറ്റം; കമ്പനികൾക്ക് കത്തയച്ച് ഡിജിസിഎ