പൗരത്വനിയമത്തില്‍ മറ്റു മതന്യൂനപക്ഷങ്ങളെ ഉള്‍പ്പെടുത്തില്ലെന്ന് കേന്ദ്രസര്‍ക്കാര്‍
ന്യൂഡൽഹി: മറ്റു മതന്യൂനപക്ഷങ്ങളെ ഉള്‍പ്പെടുത്തി പൗരത്വ ഭേദഗതി നിയമം ഭേദഗതി ചെയ്യില്ലെന്ന് കേന്ദ്ര ആഭ്യന്തര മന്ത്രാലയം പാര്‍ലമെന്റിനെ അറിയിച്ചു. ആഭ്യന്തര സഹമന്ത്രി നിത്യാനന്ദ റായിയാണ് പി.വി അബ്ദുല്‍ വഹാബിന്റെ ചോദ്യത്തിന് മറുപടിയായി രാജ്യസഭയില്‍ ഇക്കാര്യം വ്യക്തമാക്കിയത്.
അയല്‍ രാജ്യങ്ങളിലെ കൂടുതല്‍ ന്യൂനപക്ഷ വിഭാഗങ്ങളെ നിയമത്തിന്റെ പരിധിയില്‍ ഉള്‍പ്പെടുത്തുമോ എന്നായിരുന്നു എം.പിയുടെ ചോദ്യം. ഇത്തരമൊരു ആലോചനയില്ലെന്ന് വ്യക്തമാക്കിയ മന്ത്രി സി.എ.എ ചട്ടക്കൂടിന് രൂപം നല്‍കാന്‍ കൂടുതല്‍ സമയം ആവശ്യപ്പെട്ടിട്ടുണ്ടെന്നും അറിയിച്ചു.
അയല്‍രാജ്യങ്ങളില്‍ നിന്ന് എത്തിയ 4,171 ഹിന്ദുക്കള്‍ക്ക് ഇന്ത്യന്‍ പൗരത്വം നല്‍കിയതായും മന്ത്രി രാജ്യസഭയെ അറിയിച്ചു. 4,046 അപേക്ഷകള്‍ ഇനി പരിഗണിക്കാനുണ്ട്. 2016നും 2020നും ഇടയില്‍ പഴയ നിയമങ്ങള്‍ക്ക് അനുസൃതമായാണ് വിദേശികളായ ഇവര്‍ക്ക് പൗരത്വം അനുവദിച്ചു നല്‍കിയത്. ഇതില്‍ കേരളത്തില്‍ നിന്ന് അപേക്ഷിച്ച 65 പേര്‍ക്ക് പൗരത്വം നല്‍കിയതായും മന്ത്രി പറഞ്ഞു.
Read More
ഒരു രാജ്യം ഒരു റേഷന്‍ കാര്‍ഡ് പദ്ധതി; രാജ്യത്ത് ഭക്ഷ്യസുരക്ഷ ഉറപ്പാക്കുന്നു: കേന്ദ്രസര്‍ക്കാര്‍
കുട്ടികളില്‍ കോവിഡ് വൈറസിന് ജനിതക മാറ്റം; രാജ്യത്ത് ഏറെ ആശങ്കപ്പെടുത്തുന്ന മുന്നറിയിപ്പുമായി കേന്ദ്രസര്‍ക്കാര്‍
എല്ലാ സര്‍ക്കാര്‍ അപേക്ഷാ ഫോറങ്ങളിലും ട്രാന്‍സ്‌ജെന്‍ഡര്‍ കോളം ഉള്‍പ്പെടുത്താന്‍ നിര്‍ദേശം
“ഒരുരാജ്യം ഒറ്റ വോട്ടര്‍ പട്ടിക”നടപ്പിലാക്കാനൊരുങ്ങി കേന്ദ്രസര്‍ക്കാര്‍