കൊച്ചി ലുലു മാളിലെ ടോയ്ലറ്റിൽ ക്യാമറ വെക്കാൻ ശ്രമിച്ച ഇൻഫോപാർക്ക് ജീവനക്കാരൻ അറസ്റ്റിൽ
കൊച്ചി ലുലു മാളിലെ ശുചിമുറിയിൽ ക്യാമറ വെക്കാൻ ശ്രമിച്ച യുവാവ് അറസ്റ്റിൽ. പയ്യന്നൂർ സ്വദേശി അഭിമന്യുവാണ് അറസ്റ്റിലായത്. ക്യാമറ വെക്കാൻ ശ്രമിച്ചയാള്‌ കൊച്ചി ഇൻഫോപാർക്കിൽ ജീവനക്കാരനാണെന്നാണ് ലഭ്യമായ വിവരം.
ഇന്നലെ രാത്രിയാണ് ഇയാൾ ശുചിമുറിയിൽ ക്യാമറ വെക്കാൻ ശ്രമിച്ച് പിടിയിലായത്. പർദ്ദ ധരിച്ചെത്തിയാണ് മൊബൈൽ ക്യാമറ ശുചിമുറിക്കുള്ളിൽ സ്ഥാപിച്ചത്. പർദ്ദ ധരിച്ച ആൾ സ്ത്രീകളുടെ ടോയ്ലറ്റിന് സമീപം ചുറ്റി തിരയുന്നത് കണ്ടത് ലുലു മാളിലെ സെക്യൂരിറ്റി ജീവനക്കാരിയാണ്.
സംഭവം ശ്രദ്ധയിൽപ്പെട്ടതോടെ ഈ വിവരം സെക്രൂരിറ്റി ജീവനക്കാരി മാനേജ്മെന്റിനെ അറിയിക്കുകയായിരുന്നു. തുടർന്ന് പൊലീസിൽ വിവരം അറിയിച്ചത് അനുസരിച്ച് കളമശ്ശേരി പൊലീസ് എത്തിയാണ് യുവാവിന് അറസ്റ്റ് ചെയ്തത്. സംഭവത്തിൽ കൂടുതൽ അന്വേഷണം നടത്തുമെന്ന് പൊലീസ് അറിയിച്ചു.
Read More
വടക്കഞ്ചേരി എ.ഐ ക്യാമറ ഇടിച്ച് തകർത്ത സംഭവം; വാഹന ഉടമയെ തേടി പൊലീസ്
വടക്കഞ്ചേരി എ.ഐ ക്യാമറ ഇടിച്ച് തകർത്ത സംഭവം; ഒരാൾ പിടിയിൽ
കലൂര്‍ മുതൽ ഇൻഫോപാർക്ക് വരെ, കൊച്ചി മെട്രോയുടെ രണ്ടാംഘട്ടത്തിന് അംഗീകാരം
ഇന്‍സ്റ്റഗ്രാമില്‍ വീഡിയോ പങ്കുവച്ച് ആത്മഹത്യ ശ്രമം; യുവതിയെ മിനിറ്റുകള്‍ക്കകം രക്ഷിച്ച് കൊച്ചി സൈബര്‍ പൊലീസ്