ചമ്പക്കര മാർക്കറ്റിൽ നിന്ന് പഴകിയ മത്സ്യം പിടികൂടി
എറണാകുളം ചമ്പക്കര മാർക്കറ്റിൽ നിന്ന് പഴകിയ മത്സ്യം പിടികൂടി. നഗരസഭ ആരോഗ്യവിഭാഗം നടത്തിയ പരിശോധനയിലാണ് പഴകിയ മത്സ്യം പിടികൂടിയത്. കർണാടകയിൽ നിന്ന് മൂന്ന് ദിവസം കൊണ്ട് ഓടിയെത്തിയ മീനാണ് പിടിച്ചെടുത്തത്. കേടായതും ഉണ്ടായിരുന്നു. കേടാകാത്ത ഉപയോഗയോഗ്യമായ മത്സ്യവും ഉണ്ടായിരുന്നു എന്നാണ് അധികൃതരുടെ വിശദീകരണം.
മതിയായ ഫ്രീസിംഗ് സംവിധാനം ഇല്ലാത്ത വാഹനത്തിലെത്തിച്ച മത്സ്യമാണ് ഇതെന്ന് ആരോഗ്യവിഭാഗം അധികൃതർ പറയുന്നു. കഴിഞ്ഞ ദിവസം മരട് ഉൾപ്പെടെയുള്ള സ്ഥലങ്ങളിൽ പരിശോധന നടത്തിയ ആരോഗ്യവിഭാഗം പഴകിയ മത്സ്യം പിടിച്ചെടുത്തിരുന്നു.
