അധിക നികുതി അന്യായം; യു.ഡി.എഫ് സമരങ്ങൾ ജനങ്ങൾക്ക് വേണ്ടിയുള്ളതെന്ന് പി.കെ. കുഞ്ഞാലിക്കുട്ടി

യു.ഡി.എഫ് സമരങ്ങൾ ജനങ്ങൾക്ക് വേണ്ടിയുള്ളതാണെന്ന് പി.കെ. കുഞ്ഞാലിക്കുട്ടി. നികുതി വർധനവിൽ സർക്കാർ തീരുമാനം പിൻവലിക്കും വരെ പ്രതിപക്ഷം സമരം തുടരും. ജനങ്ങളെ കഷ്ടപ്പെടുത്തുന്ന തീരുമാനമെടുക്കാൻ ഒരു ജനാധിപത്യ സർക്കാരിനും അധികാരമില്ല.

കിട്ടാനുള്ള നികുതി ചോദിച്ചു വാങ്ങാതെ അതിന്റെ അധികഭാരം ജനങ്ങളുടെ തലയിലിടുകയാണ് സർക്കാർ. ഈ തീരുമാനം പിൻവലിക്കില്ലെന്ന വെല്ലുവിളി സർക്കാർ നടത്തുന്നത് ജനങ്ങളോടാണെന്നും അധിക നികുതി അന്യായമാണെന്നും പി.കെ. കുഞ്ഞാലിക്കുട്ടി പറഞ്ഞു.

ജനങ്ങൾ ദുരിതത്തിലാകുമ്പോഴും സർക്കാരിൻ്റെ ധൂർത്തിന് ഒരു കുറവും ഇല്ല. നികുതി വർധന പിൻവലിച്ചില്ലെങ്കിൽ സർക്കാരിന് ഒരു ഇഞ്ച് പോലും മുൻപോട്ട് പോകാൻ ആകാത്ത വിധം ജനരോഷം ഉണ്ടാകും. അധിക നികുതി വരുമാനം കൊണ്ട് സർക്കാരിന് ഒരു ഗുണവും ഉണ്ടാകില്ല. ഒരിക്കൽ ചക്ക വീണ് മുയൽ ചത്തെന്ന് കരുതി ഇനിയും തെരഞ്ഞെടുപ്പ് വരുമ്പോൾ ചെപ്പടി വിദ്യകാട്ടി രക്ഷപ്പെടാമെന്ന് കരുതേണ്ടെന്നും അദ്ദേഹം കുറ്റപ്പെടുത്തി.

Read More

ജനങ്ങൾ അധിക നികുതി അടയ്ക്കേണ്ട, ഇതിനെതിരെ നടപടി വന്നാൽ കോൺഗ്രസ് സംരക്ഷിക്കും; കെ. സുധാകരൻ ഇന്ധന വില വർധനവ് സ്റ്റേറ്റ് സ്‌പോൺസേർഡ് നികുതി ഭീകരത: വി ഡി സതീശൻ കാസർകോട് നിന്ന് 4 മണിക്കൂറിൽ തലസ്ഥാനത്ത് എത്തിയിട്ട് ആർക്ക് എന്താണ് കാര്യമെന്ന് പികെ കുഞ്ഞാലിക്കുട്ടി ബജറ്റിലെ നികുതി വർധന; നിയമസഭക്ക് അകത്തും പുറത്തും പ്രതിഷധം ശക്തമാക്കാൻ പ്രതിപക്ഷം