വി പി ജോയി അടുത്ത ചീഫ് സെക്രട്ടറി; മന്ത്രിസഭാ യോഗത്തിൽ തീരുമാനം

അടുത്ത ചീഫ് സെക്രട്ടറിയായി വി പി ജോയ് ഐഎഎസിനെ മന്ത്രിസഭാ യോഗം തെരഞ്ഞെടുത്തു. നിലവിലെ ചീഫ് സെക്രട്ടറി വിശ്വാസ് മേത്ത സ്ഥാനമൊഴിയുന്നതിന് പിന്നാലെ മാർച്ച് ഒന്നിന് വി പി ജോയി അധികാരമേൽക്കും. കേന്ദ്ര ഡെപ്യൂട്ടേഷനിൽ ആയിരുന്ന വി പി ജോയി കഴിഞ്ഞാഴ്ചയാണ് തിരികെ എത്തിയത്.

1987 ബാച്ച് ഉദ്യോഗസ്ഥനാണ്. കേന്ദ്ര കാബിനറ്റ് സെക്രട്ടേറിയറ്റിൽ ഏകോപന ചുമതലയുള്ള സെക്രട്ടറിയായി പ്രവർത്തിച്ചു വരികയായിരുന്നു. രണ്ട് വർഷത്തെ സർവീസാണ് അദ്ദേഹത്തിന് ബാക്കിയുള്ളത്. 2023 ജൂൺ 30 വരെ ചീഫ് സെക്രട്ടറിയായി പ്രവർത്തിക്കാം.

നിലവിൽ കേരളാ കേഡറിലെ ഏറ്റവും സീനിയറായ ഐഎഎസ് ഉദ്യോഗസ്ഥനാണ്. ജോയ് വാഴയിൽ എന്ന പേരിൽ കവിതകളും അദ്ദേഹം പ്രസിദ്ധീകരിച്ചിട്ടുണ്ട്. നേരത്തെ എറണാകുളം ജില്ലാ കലക്ടർ, തൊഴിൽ, ധനകാര്യം, ഗതാഗതം, നികുതി, ഭവനനിർമാണം തുടങ്ങിയ വകുപ്പുകളിൽ സെക്രട്ടറിയായും കെ എസ് ഇ ബി ചെയർമാനായും പ്രവർത്തിച്ചിട്ടുണ്ട്.

Read More

സമ്പൂർണ ലോക്ക് ഡൗൺ ഇല്ല; ജില്ലാ കലക്ടർമാർക്ക് ഉചിതമായ തീരുമാനമെടുക്കാമെന്നും ചീഫ് സെക്രട്ടറി ചീഫ് സെക്രട്ടറി വിശ്വാസ് മേത്ത മുഖ്യവിവരാവകാശ കമ്മീഷണറാകും അന്വേഷിക്കുമെന്ന് ചീഫ് സെക്രട്ടറി; നേരിട്ടെത്തി മാധ്യമങ്ങളെ സെക്രട്ടേറിയറ്റിൽ നിന്ന് ഒഴിപ്പിച്ചു ശമ്പള പരിഷ്‌കരണം: നിർദേശങ്ങൾ അതേപടി നടപ്പാക്കില്ല, അടുത്ത മന്ത്രിസഭാ യോഗത്തിൽ പാസാക്കുമെന്ന് ധനമന്ത്രി