മാനസ വധക്കേസിൽ ഒരാൾ കൂടി അറസ്റ്റിൽ; പിടിയിലായത് രഖിലിന്റെ സുഹൃത്ത്

കോതമംഗലം മാനസ കൊലപാതക കേസിൽ ഒരാൾ കൂടി അറസ്റ്റിൽ. മാനസയെ കൊലപ്പെടുത്തിയ രഖിലിന്റെ സുഹൃത്ത് ആദിത്യനാണ് പിടിയിലായത്. ആദിത്യനൊപ്പമായിരുന്നു രഖിൽ ബീഹാറിലേക്ക് പോയത്. ഇവിടെ നിന്നാണ് കൊലപാതകം നടത്താനുപയോഗിച്ച തോക്ക് സംഘടിപ്പിച്ചത്. തോക്ക് വിറ്റ കേസിൽ ബീഹാർ സ്വദേശികളായ സോനുകുമാർ മോദി, മനേഷ്‌കുമാർ വർമ എന്നിവരെ നേരത്തെ അറസ്റ്റ് ചെയ്തിരുന്നു

ആദിത്യനെ പോലീസ് ബീഹാറിലേക്ക് തെളിവെടുപ്പിനായി കൊണ്ടുപോയി. ബിഹാറിലെ മുൻഗറിൽ വെച്ചാണ് നേരത്തെ സോനുകുമാറിനെ പോലീസ് അറസ്റ്റ് ചെയ്തത്. 35,000 രൂപയ്ക്കാണ് രഖിൽ ഇവരിൽ നിന്ന് തോക്ക് വാങ്ങിയത്.

അറസ്റ്റിലായ ആദിത്യൻ രഖിലിന്റെ ബിസിനസ് പങ്കാളി കൂടിയാണ്. ഇതര സംസ്ഥാന തൊഴിലാളികളെ ജോലിക്ക് കൊണ്ടുവരാനെന്ന പേരിലാണ് ഇരുവരും തോക്ക് വാങ്ങാനായി ബീഹാറിലേക്ക് പോയത്. മാനസയെ കൊലപ്പെടുത്തിയ ശേഷം രഖിലും ആത്മഹത്യ ചെയ്തിരുന്നു.

Read More

മാനസ വധക്കേസിൽ കുറ്റപത്രം സമർപ്പിച്ചു: ആത്മഹത്യ ചെയ്ത രാഖിൽ ഒന്നാം പ്രതി, ആദിത്യൻ രണ്ടാംപ്രതി ഒന്നര വയസ്സുകാരിയുടെ കൊലപാതകം: മുത്തശ്ശി സിപ്‌സി അറസ്റ്റിൽ ഹരിദാസ് വധം: കൊലപാതകത്തിൽ നേരിട്ട് പങ്കുള്ള മൂന്ന് ബിജെപിക്കാർ കൂടി അറസ്റ്റിൽ സ്വർണക്കടത്ത്: മലപ്പുറത്ത് ഒരാൾ കൂടി അറസ്റ്റിൽ, ഇന്ന് അറസ്റ്റിലായത് മൂന്ന് പേർ