10, 12 ക്ലാസുകളിൽ ഓഫ് ലൈൻ പരീക്ഷ നടത്തുന്നതിനെതിരായ ഹർജി സുപ്രീം കോടതി തള്ളി
രാജ്യത്തെ സ്‌കൂളുകളിൽ 10, 12 ക്ലാസുകളിലേക്ക് ഓഫ് ലൈൻ പരീക്ഷകൾ നടത്തുന്നതിനെതിരെ സമർപ്പിച്ച ഹർജി സുപ്രീം കോടതി തള്ളി. ജസ്റ്റിസ് എ എം ഖാൻവിൽക്കർ അധ്യക്ഷനായ ബഞ്ചാണ് ഹർജി തള്ളിയത്. സിബിഎസ്ഇ, ഐസിഎസ്ഇ, സംസ്ഥാന ബോർഡുകൾ വാർഷിക പരീക്ഷ ഓഫ് ലൈനായി നടത്തുന്നതിനെതിരായ ഹർജിയാണ് സുപ്രീം കോടതി തള്ളിയത്.
പരീക്ഷ എഴുതാൻ പോകുന്ന വിദ്യാർഥികൾക്ക് വ്യാജ പ്രതീക്ഷ നൽകാൻ കഴിയില്ലെന്ന് കോടതി വ്യക്തമാക്കി. കൊവിഡ് വ്യാപനം രൂക്ഷമായിരുന്ന കഴിഞ്ഞ വർഷം വാർഷിക പരീക്ഷ ഓഫ് ലൈനായി നടത്തുന്നതിനെതിരായ ഹർജികളിൽ സുപ്രീം കോടതി ഇടപെട്ടിരുന്നു. ഈ വർഷവും സമാനമായ ഇടപെടൽ വേണമെന്നായിരുന്നു ഹർജിക്കാരുടെ ആവശ്യം
എന്നാൽ പ്രത്യേക സാഹചര്യത്തിൽ കഴിഞ്ഞ തവണ പുറപ്പെടുവിച്ച ഉത്തരവ് എല്ലാ വർഷവും ആവർത്തിക്കാൻ കഴിയില്ലെന്ന് കോടതി അറിയിച്ചു. ബോർഡുകൾ പരീക്ഷ നടത്തുന്നതിൽ തീരുമാനം പോലും എടുക്കാത്ത സാഹചര്യത്തിൽ ഇടപെടാനാകില്ലെന്നും കോടതി അറിയിച്ചു.
Read More
പ്ലസ് വൺ പരീക്ഷ ഓഫ് ലൈനായി നടത്താം; സുപ്രീം കോടതിയുടെ അനുമതി
നീറ്റ്, ജെഇഇ പരീക്ഷ മാറ്റി വെക്കണമെന്ന ആവശ്യം സുപ്രീം കോടതി തള്ളി; വിദ്യാർഥികളുടെ ഭാവി അപകടത്തിലാക്കില്ലെന്ന് കോടതി
സിബിഎസ്ഇ പന്ത്രണ്ടാം പരീക്ഷ റദ്ദാക്കണമെന്ന ഹർജി സുപ്രീം കോടതി ഇന്ന് പരിഗണിക്കും
കേരളത്തിലെ പ്ലസ് വണ്‍ പരീക്ഷ റദ്ദാക്കണമെന്ന ആവശ്യത്തില്‍ ഇടപെടില്ല; സുപ്രീം കോടതി