അരങ്ങേറ്റം ഗംഭീരമാക്കി ഹർഷൽ പട്ടേൽ; രണ്ടാം ടി20യിൽ ഇന്ത്യക്ക് 154 റൺസ് വിജയലക്ഷ്യം

ന്യൂസിലാൻഡിനെതിരായ രണ്ടാം ടി20യിൽ ഇന്ത്യക്ക് 154 റൺസ് വിജയലക്ഷ്യം. ടോസ് നഷ്ടപ്പെട്ട് ആദ്യം ബാറ്റിംഗിന് ഇറങ്ങേണ്ടി വന്ന കിവീസ് 20 ഓവറിൽ ആറ് വിക്കറ്റ് നഷ്ടത്തിൽ 153 റൺസെടുത്തു. ഇന്ത്യക്കായി ഇന്ന് അരങ്ങേറിയ ഹർഷൽ പട്ടേൽ രണ്ട് വിക്കറ്റുകൾ വീഴ്ത്തി.

കിവീസിനായി തകർപ്പൻ തുടക്കമാണ് മാർട്ടിൻ ഗപ്റ്റിലും ഡാരിൽ മിച്ചലും ചേർന്ന് നൽകിയത്. 4.2 ഓവറിൽ 48 റൺസിൽ നിൽക്കെ ഗപ്റ്റിൽ വീണു. 15 പന്തിൽ രണ്ട് സിക്‌സും മൂന്ന് ഫോറും സഹിതം 31 റൺസാണ് ഗപ്റ്റിലെടുത്തത്. ഡാരിൽ മിച്ചൽ 31 റൺസെടുത്തു പുറത്തായി

മാർക്ക് ചാപ്മാൻ 21 റൺസും ഗ്ലെൻ ഫിലിപ്‌സ് 34 റൺസും ടിം സെയ്ഫർട്ട് 13 റൺസുമെടുത്തു. ഇന്ത്യക്കായി ഹർഷൽ പട്ടേൽ രണ്ട് വിക്കറ്റുകളെടുത്തപ്പോൾ ഭുവനേശ്വർ കുമാർ, ദീപക് ചാഹർ, അക്‌സർ പട്ടേൽ, രവിചന്ദ്ര അശ്വിൻ എന്നിവർ ഓരോ വിക്കറ്റുകൾ സ്വന്തമാക്കി.
 

Read More

ചെന്നൈ ടെസ്റ്റിൽ ഇംഗ്ലണ്ട് രണ്ടാമിന്നിംഗ്‌സിൽ 178ന് പുറത്ത്; ഇന്ത്യക്ക് 420 റൺസ് വിജയലക്ഷ്യം, അശ്വിന് ആറ് വിക്കറ്റ് മൂന്നാം ഏകദിനത്തിൽ അനായാസം ശ്രീലങ്ക; ജയം മൂന്ന് വിക്കറ്റിന്, പരമ്പര ഇന്ത്യക്ക് മെല്‍ബണില്‍ ഇന്ത്യക്ക് തകര്‍പ്പന്‍ തുടക്കം; അരങ്ങേറ്റം ഗംഭീരമാക്കി സിറാജ് കോഹ്ലിയുടെ ഒറ്റയാൾ പോരാട്ടം ഫലം കണ്ടില്ല; അവസാന ടി20യിൽ ഇന്ത്യക്ക് തോൽവി, പരമ്പര സ്വന്തം