കാക്കാനാട് കരുണാലയത്തിലെ 30 കന്യാസ്ത്രീകൾക്ക് കൂടി കൊവിഡ്; ആകെ കൊവിഡ് ബാധിതർ 33 ആയി

എറണാകുളം കാക്കനാട് കരുണാലയ കോൺവെന്റിലെ 30 കന്യാസ്ത്രീകൾക്ക് കൂടി കൊവിഡ് സ്ഥിരീകരിച്ചു. കഴിഞ്ഞ ദിവസം മൂന്ന് കന്യാസ്ത്രീകൾക്ക് കൊവിഡ് സ്ഥിരീകരിച്ചിരുന്നു. ഇന്നത്തോടെ ആകെ 33 പേർക്കാണ് കരുണാലയത്തിൽ രോഗം ബാധിച്ചത്.

കന്യാസ്ത്രീകൾക്ക് കോൺവെന്റിൽ തന്നെ ചികിത്സ ഉറപ്പാക്കുമെന്ന് ജില്ലാ ഭരണകൂടം അറിയിച്ചു. കെട്ടിടത്തിന്റെ ഒരു നില ഫസ്റ്റ് ലൈൻ ട്രീറ്റ്‌മെന്റ് സെന്ററാക്കി മാറ്റാനാണ് ജില്ലാ ഭരണകൂടം തീരുമാനിച്ചിരിക്കുന്നത്.

ഡോക്ടർമാരുടെയും ആംബുലൻസിന്റെയും സൗകര്യം ഒരുക്കിയിട്ടുണ്ട്. ആരുടെയെങ്കിലും ആരോഗ്യനില വഷളായാൽ മെഡിക്കൽ കോളജ് ആശുപത്രിയിലേക്ക് മാറ്റുമെന്നും ജില്ലാ അധികൃതർ വ്യക്തമാക്കി

Read More

മൂന്നാറിൽ ഡോക്ടർക്ക് കൊവിഡ്; ജനറൽ ആശുപത്രി അടക്കും, രോഗികളെ മാറ്റും നാല് ലക്ഷവും കടന്ന് കൊവിഡ് ബാധിതർ; 24 മണിക്കൂറിനിടെ 15,143 പേർക്ക് കൂടി രോഗബാധ ചികിത്സാ സൗകര്യം ആവശ്യത്തിനുണ്ടെന്ന് മുഖ്യമന്ത്രി; ഫസ്റ്റ് ലൈൻ ട്രീറ്റ്‌മെന്റ് സെന്ററുകളുടെ നിർമാണം പുരോഗമിക്കുന്നു തലസ്ഥാനത്ത് അതീവ ആശങ്ക: രോഗം സ്ഥിരീകരിച്ച 157 പേരില്‍ 130 പേരും രോഗബാധിതരായത് സമ്പര്‍ക്കം വഴി