വിലക്കയറ്റം: പാർലമെന്റിൽ തക്കാളി മാല അണിഞ്ഞെത്തി എഎപി എംപിയുടെ പ്രതിഷേധം
അവശ്യസാധനങ്ങളുടെ വിലക്കയറ്റത്തിനെതിരെ ആം ആദ്മി പാർട്ടി എംപി സുശീൽ ഗുപ്തയുടെ വ്യത്യസ്ത പ്രതിഷേധം. കഴുത്തിൽ തക്കാളി മാല അണിഞ്ഞാണ് എംപി പാർലമെന്റിലെത്തിയത്. വിലക്കയറ്റത്തിൽ പൊതുജനം വലയുകയാണെന്നും ഇത്തരമൊരു സാഹചര്യത്തിൽ കേന്ദ്രസർക്കാരിനെ ഉണർത്തേണ്ടത് ആവശ്യമാണെന്നും അദ്ദേഹം പറഞ്ഞു.
രാജ്യത്ത് തക്കാളി വില കുതിച്ചുയരുന്ന പശ്ചാത്തലത്തിലായിരുന്നു എഎപി എംപിയുടെ പ്രതിഷേധം. തക്കാളിയും ഇഞ്ചിയും കൊണ്ടുണ്ടാക്കിയ മാല ധരിച്ചാണ് ഗുപ്ത പ്രതിഷേധിച്ചത്. അവശ്യസാധനങ്ങളുടെ വിലക്കയറ്റം തടയാൻ കേന്ദ്രം ഇടപെടുന്നില്ലെന്ന് അദ്ദേഹം കുറ്റപ്പെടുത്തി. തക്കാളി മാല ധരിച്ച സുശീൽ ഗുപ്തയുടെ ചിത്രങ്ങൾ പുറത്തുവന്നിട്ടുണ്ട്.
‘വിലക്കയറ്റത്തിന്റെ തീയിൽ രാജ്യം മുഴുവൻ എരിയുകയാണ്. ഇത് തടയാൻ സർക്കാർ ഒന്നും ചെയ്യുന്നില്ല. ഇന്ധനവില 100 രൂപ കടന്നു. വിലക്കയറ്റത്തെക്കുറിച്ചോ മണിപ്പൂരിനെക്കുറിച്ചോ സർക്കാർ സംസാരിക്കുന്നില്ല. അതുകൊണ്ടാണ് ഇന്ന് തക്കാളിമാലയും അണിഞ്ഞ് സഭയിൽ വന്നത്’ – എഎപി എംപി കൂട്ടിച്ചേർത്തു.
Read More
റേഷൻ കടകൾ വഴി തക്കാളി നൽകും; തമിഴ്നാട് സർക്കാർ
സിസോദിയയുടെ അറസ്റ്റില്‍ വ്യാപക പ്രതിഷേധം, എഎപി ഓഫീസിന് മുന്നില്‍ പൊലീസുമായി ഉന്തും തള്ളും, 144 പ്രഖ്യാപിച്ചു
‘തക്കാളി കഴിക്കുന്നത് നിര്‍ത്തി, നാരങ്ങ ഉപയോഗിക്കൂ’ വില കുറയും; വിചിത്ര ഉപദേശവുമായി യു പി മന്ത്രി
തക്കാളി വിലക്കയറ്റം, പച്ചക്കറി കടയ്ക്ക് ബൗണ്‍സറിന്‍റെ കാവല്‍; കലാപശ്രമത്തിന് 2 പേര്‍ അറസ്റ്റില്‍