കേരളത്തിലെ ബ്ലോക്ക് കോൺഗ്രസ് കമ്മിറ്റി പുനസംഘടന വിവാദം ഉമ്മൻചാണ്ടിയെ അറിയിക്കാൻ എ ഗ്രൂപ്പ്

കേരളത്തിലെ ബ്ലോക്ക് കോൺഗ്രസ് കമ്മിറ്റി പുനസംഘടന വിവാദം ഉമ്മൻചാണ്ടിയെ അറിയിക്കാൻ എ ഗ്രൂപ്പ്. ഇതിനായി ഗ്രൂപ്പ് നേതാക്കൾ ബാംഗ്ലൂരിലെത്തി. എ ഗ്രൂപ്പിന് പിന്നാലെ ഐ ഗ്രൂപ്പും പരാതി ഹൈക്കമാൻഡിനെ അറിയിച്ചിട്ടുണ്ട്.

ബ്ലോക്ക് പ്രസിഡൻ്റുമാരെ തെരഞ്ഞെടുത്തതിൽ എ ഗ്രൂപ്പിനെ അനുനയിപ്പിക്കാൻ ഇതുവരെയും ഔദ്യോഗിക നേതൃത്വത്തിന് ആയിട്ടില്ല. ബാംഗ്ലൂരിൽ ചികിത്സയിൽ കഴിയുന്ന ഉമ്മൻചാണ്ടിയെ വിവാദങ്ങൾ അറിയിക്കാൻ എ ഗ്രൂപ്പ് നേതാക്കൾ ബാംഗ്ലൂരിലെത്തി. എം എം ഹസൻ, ബെന്നി ബഹനാൻ, കെ സി ജോസഫ് എന്നിവരാണ് ഉമ്മൻചാണ്ടിയെ നേരിൽ കാണുക. പുനസംഘടനയിലെ അതൃപ്തിയിൽ എ ഗ്രൂപ്പിന്റെ തുടർ നീക്കങ്ങൾ എങ്ങനെയെന്ന് ഉമ്മൻചാണ്ടിയുമായി ആലോചിച്ച് തീരുമാനിക്കും. യൂത്ത് കോൺഗ്രസ് സംഘടനാ തെരഞ്ഞെടുപ്പിലെ എ ഗ്രൂപ്പ് സ്ഥാനാർത്ഥി ആരെന്ന കാര്യത്തിലും ഉമ്മൻചാണ്ടിയോട് അഭിപ്രായം തേടും. രാഹുൽ മാങ്കൂട്ടത്തിൽ, ജെ.എസ് അഖിൽ എന്നിവരിൽ ആര് സ്ഥാനാർഥിയാവും എന്ന കാര്യത്തിൽ ഇതുവരെയും സമവായത്തിലെത്താൻ കഴിഞ്ഞിട്ടില്ല. ഉമ്മൻചാണ്ടിയുടെ തീരുമാനമാവും ഇക്കാര്യത്തിൽ അന്തിമം. പുനസംഘടനയിലെ അതൃപ്തിയിൽ ഐ ഗ്രൂപ്പും ഹൈക്കമാന്റിന് പരാതി നൽകി കഴിഞ്ഞു.

എന്നാൽ, ഗ്രൂപ്പുകളുടെ പ്രതിഷേധം കാര്യമാക്കേണ്ടെന്നാണ് ഔദ്യോഗിക നേതൃത്വത്തിന്റെ നിലപാട്. എല്ലാ മാനദണ്ഡങ്ങളും പാലിച്ചാണ് പട്ടിക തയ്യാറാക്കിയതെന്ന് ഹൈക്കമാന്റിനെ ബോധ്യപ്പെടുത്താൻ കഴിയും എന്നാണ് വിലയിരുത്താൻ.

Read More

ഉമ്മൻചാണ്ടിയെ വീണ്ടും ആശുപത്രിയിൽ പ്രവേശിപ്പിച്ചു ഉമ്മൻ ചാണ്ടിയെ തിരുവനന്തപുരത്ത് മത്സരിപ്പിക്കാൻ നീക്കം; പുതുപ്പള്ളിയിൽ ചാണ്ടി ഉമ്മനും സാധ്യത ഉമ്മൻ ചാണ്ടിയെ ഇനി വിമർശിക്കാനില്ലെന്ന് പി സി ജോർജ്; ചെന്നിത്തല അത്ര ശരിയല്ല ഉമ്മൻ ചാണ്ടിയെ എഐസിസി ജനറൽ സെക്രട്ടറി പദവിയിൽ നിന്നൊഴിവാക്കിയേക്കും; മുല്ലപ്പള്ളി ദേശീയ നേതൃത്വത്തിലേക്ക്