യുക്രൈനിൽ നിന്ന് 17,000 പേരെ ഒഴിപ്പിച്ചതായി കേന്ദ്രം; കുടുങ്ങിയവരുടെ കാര്യത്തിൽ ആശങ്ക അറിയിച്ച് കോടതി

യുദ്ധം രൂക്ഷമായ യുക്രൈനിൽ നിന്ന് ഇതുവരെ 17,000 പേരെ ഒഴിപ്പിച്ചതായി കേന്ദ്രസർക്കാർ സുപ്രീം കോടതിയെ അറിയിച്ചു. ഒഴിപ്പിക്കൽ നടപടികൾ ഊർജിതമാക്കാൻ പ്രധാനമന്ത്രി ഇന്നും ഉന്നതതല യോഗം വിളിച്ചതായും അറ്റോർണി ജനറൽ കോടതിയെ അറിയിച്ചു

അതേസമയം യുക്രൈനിൽ ഇനിയും കുടുങ്ങിക്കിടക്കുന്നവരുടെ കാര്യത്തിൽ കോടതി ആശങ്ക അറിയിച്ചു. കുടുംബാംഗങ്ങൾക്ക് വിവരങ്ങൾ അറിയാൻ ഹെൽപ് നമ്പറുകൾ ഏർപ്പെടുത്താൻ കോടതി നിർദേശം നൽകി. പരാതിക്കിടയില്ലാത്ത വിധം ഒഴിപ്പിക്കൽ പൂർത്തിയാക്കുമെന്ന് കേന്ദ്രം അറിയിച്ചു

കിഴക്കൻ യുക്രൈൻ നഗരങ്ങളിലാണ് നിരവധി പേർ ഇപ്പോഴും കുടുങ്ങിക്കിടക്കുന്നത്. സുമി നഗരത്തിൽ 600 മലയാളി വിദ്യാർഥികൾ സഹായം കിട്ടാതെ വലയുന്നുണ്ടെന്നാണ് നോർക്കയുടെ കണക്ക്. പിസോച്ചിനിൽ ആയിരത്തോളം ഇന്ത്യക്കാരാണ് കുടുങ്ങിക്കിടക്കുന്നത്.
 

Read More

യുക്രൈനിൽ നിന്നും ഇന്ത്യക്കാരെ തിരികെ എത്തിക്കുന്നു; ആദ്യ വിമാനം കീവിൽ നിന്ന് പുറപ്പെട്ടു ഓപറേഷൻ ഗംഗ: യുക്രൈനിൽ നിന്നുള്ള അഞ്ചാമത്തെ വിമാനവും ഡൽഹിയിൽ; 249 പേരിൽ 12 പേർ മലയാളികൾ 24 മണിക്കൂറിനിടെ യുക്രൈനിൽ നിന്ന് 1377 ഇന്ത്യക്കാരെ ഒഴിപ്പിച്ചതായി വിദേശകാര്യ മന്ത്രി കേരളത്തില്‍ കൊവിഡ് വ്യാപനവും മരണ സംഖ്യയും കൂടുതല്‍; ആശങ്ക അറിയിച്ച് കേന്ദ്രം: നിയന്ത്രണവിധേയമാക്കണമെന്ന് നിര്‍ദ്ദേശം